Hommelbier
- Dit artikel es geschreevn in 't Poperiengs, en da zou best ozô bluuvn.
Hommelbier is e streekbier uut Poperienge. 't Is ebrouwn deur brouwery Van Eecke ut Watou. Hommelbier bestoat sedert 1980. In d'uutsproake ôor je de H vaneigns nie, menschn vroagn en ommelbier of en ommeltje.
Wuk is 't?
[bewerkn | brontekst bewerken]In Hommelbier zittn d'r drie sôortn Poperiengschn hommel. 't Bier et e fyn aroma en e frische, lichtjes bittere smoake. 't Alcoolpercentoage van Hommelbier is 7,5%. Je ku 't koopn in flesjes van 25 e 75 santeliters, of in voatn van 30 liters.
Oe moe je 't bewoarn e drienkn?
[bewerkn | brontekst bewerken]- Bewoart de flesschn rechte in e kelder of in e frigo die nie ol te koud stoat.
- Hommelbier is e bier da nog nagist in de flessche. Om die gistloage op de fong van de flesche ni round te roern, moe je Hommelbier verzichtjes en in êne ki uutschienkn.
- Ideoale temperateure om te schienkn is 6 tout 8 groadn.