Hotel La Réserve (Knokke)

Van Wikipedia
Naar navigatie springen Naar zoeken springen

Hotel La Réserve was een luxueus vuufsterrenhotel met 110 koamers an ’t Zegemeer in Knokke. ’t Is in april 2008 ofgebrookn. D’r was ook een kunstgalerie an verboundn.

Hotel La Réserve is in 1949 gebouwd en in 1979 ist er een woaterkuuroord bygekommn. ’t Was eigndom van de familie Nellens en Van Thillo.

In april 2007 et Toerisme Vlaanderen de sterren van La Réserve ingetrokkn achter een hêel dêel klachtn over de slechte stoat van ’t hotel. Achter de controle krêeg La Réserve den tyd vo de situoatie rechte te trekkn moa d’r wierd beslist van ’t gebouw of te breekn. ’t Gebouw anpassn an de nieuwe normen van nu was nie me meugelik.

Hêel den inboedel is nor een hotel in Congo-Brazaville gegoan. Al d’andere bruukboare materioaln, lik kassen, toafels en hout, zyn geschounkn an de technische schole van Zêebrugge.

Met de sloop van La Réserve ist er een monument in Knokke-Heist verdwenen met een glorieuze geschiedenisse. D’r kwoamn styf vele gekende noamn ip logement lik Fernandel, Maurice Chevalier, Marlene Dietrich, Frank Sinatra, Edith Piaf, Nat King Cole en nog vele andere grôte noamn uut de showbizz.

Nieuw complex[bewerkn | brontekst bewerken]

Der komt e nieuw vuufsterrenhotel La Réserve met 110 koamers, een brasserie, een toprestaurang, traiteurdienst en 150 luxeappartementn. De beweuners van d' appartementn goan gebruuk kunn moakn van de faciliteitn. De bedoelienge is da 't hotel open goat tegen Poaschn 2011.