Irma Laplasse
.jpg)
Irma Laplasse (Schore, 9 februoari 1904 - Brugge, 30 mei 1945) was e West-Vlamsche vrouwe die achter 'n Twiddn Weireldôorlog executeerd ewist et voe landverroad en kollaboraejse mi de Duutsche.
Neur misjesnoame wos Irma Swertvaeger. Osse 20 wos, trouwde ze mi Henri Laplasse mi wien da ze in Ôostduunkerke wunde. Neur vent kwam lid van 't VNV ('t Vlaamsch Nationaal Verbond). Nundern zeune goenk by de Nationaal-Socialistische Jeugd Vlaanderen (NSJV). Nunder dochter wos actif by de Dietsche Meisjesscharen. Irma zelve wos by nietn aneslootn.
Op 21 december 1944 wos Irma verôordêeld voe verroad en verklikkienge. Zeven verzetsleedn woarn beist noorloge upgepakt en doodeschootn deur de Duutsche, achter dat Irma Laplasse nunder verroan at. Irma Laplasse wos hexecuteerd in Brugge.
Symbool van de Vlamsche kollaborateurs
[bewerkn | brontekst bewerken]Irma Laplasse wiert achter eur exekuusje de mascotte van de Vlamsche kollaborateurs, die eur upvoerden als slachtoffer van repressje voer under eigen meedoen met den Duutsch schoane te klappen. Veel kollaborateurs voelnde nunder ni juste behandeld deur 't Bels gerecht. In 1994 en ze 't proces, achter joarn van protest, nog e ki overhedoan. Toet grôte spyt van de kollaborateurs wierd Irma Laplasse in 1996 postum were verôordêeld.