Isomo

Een brokke isomo

Isomo is een sorte van styf lichte, witte kunststoffe, die styf vele gebruukt is. De noame isomo is ofgeleid van den West-Vlamse merknoame Isomo, wuk da en afkortienge is van Isolation moderne.

Soamnstellynge

Isomo noemt eigenlik EPS, wuk da stoat vôorn expanded polystyrene. Isomo is dus niet anders dan geweune polystyreen, mo woarin dat er veel lucht is ingebloazn. 't Is doamee dat zô lichte en zo wit is. Isomo wordt surtout gemakt in boljes, die ton tope geperst zyn. In iederne kubiek isomo zittn der à peu près 10 miljoen boljes. In volume bekeken, is 98% lucht en is 't er moa 2% polystyreen. Omdat 't moa uut êen sorte materioal bestoat, kan isomo styf goed gerecycleerd zyn. 't Vervuult 't groundwoater ôok nie, want 't reageert langs gin kantn me woater.

Toepassyngn

Isomo wordt gebruukt vo 't moakn van ploatn, specioale vormn vo ander dingn in te pakkn vo transport, vo isoloatie, ....

In Afrika gebruukn ze isomo ouk nog voun etwot aars. Doa verkrumeln ze 't en zorn dat er e loage van ligt up 't woater van oopn WC's. Ezô kunn bepoalde muggn die ziektes verspreidn, gin eiers leggn.

Externe koppelienge

Mêer ofbeeldiengn die ier by passn ku je vien ip Polystyrene ip Wikimedia Commons.