Jacob Leyssens

Van Wikipedia
Ga naar: Begunplekkn, zoeken
Dat artikel es oorsprounkelik geschreevn in 't Kustwestvlams.

Jacob Leyssens (noamvariantn: Nicolaas Leyssens en Jacob Lyssens, bynoame Neutekroaker) (Antwerpn, 1661 – Antwerpn, 1710), was e Vlamsche kunstschilder en decorateur van in de tyd van de Barok.

Leevn[bewerkn | brontekst bewerken]

Jacob Leyssens was e lêerlienk van de schilder Pieter Eyckens in 1674. Direct achter ze studie trokt 'n noa Rome. Je wierd doar in 1680 an zyn neegntien joar lid van de Bentvueghels, e verênigienge van surtout Nederlandsche en Vlamsche kunstnoars actief in Rome, oender de bynoame (de zogenoamde bentnoame) Neutekroaker.

De moeilike financiële situoasje van zyn voader brocht hem der toe van were te kêern noar Antwerpn. Je wierd in 1698 by d' Antwerpsche Sint-Lucasgilde geregistreerd lik "wynmêester", e titel gereserveerd vo de zeuns van de leedn van de gilde. Je was actief in Antwerpn ols schilder in de periode 1698-1710.

Werk[bewerkn | brontekst bewerken]

Leyssens was surtout bedreevn in 't schildern van stilleevns mè fruut. De Nederlandsche biograaf Jacob Campo Weyerman verwyst in De levensbeschryvingen van Nederlandsche konstschilders en konstschilderessen (1729-1769) noa Jacob Leyssens ols historieschilder, wat dat er ip wyst dat 'n ook in da genre schilderde.

Wikimedia Commons