Jan Frans Boeckstuyns

Van Wikipedia
Naar navigatie springen Naar zoeken springen
Dat artikel es geschreevn in 't Kustwestvlams.

'Iengel die e kruus embraceert' deur Jan Frans Boeckstuyns, in d' OLV-over-de-Dylekerke, Mechelen

Jan Frans Boeckstuyns (Mechelen, ca. 1650 – Mechelen, 27 juni 1734) was e Vlamschn beeldhouwer en architect.

Je was lêerlienk van Lucas Faydherbe by wien dat 'n oender invloed kwam van Pieter Paul Rubens. Je kwam mêester in de Mechelsche Sint-Lucasgilde in 1680.

In 1690 werkte Jan Frans Boeckstuyns tegoare met de Mechelsche beeldhouwers Frans Langhemans en Adam Frans van der Meulen by de realisoasje van 't hoogaltoar van d' Onze-Lieve-Vrouwe-over-de-Dylekerke van Mechelen. In de basilieke Onze-Lieve-Vrouwe van Hanswyk stoan der drie houtn biechtstoeln van Boeckstuyns met allegorische figeurn en twêe biechtstoeln met de borstbeeldn van de kerkvoaders Hiëronymus en Gregorius in de barokke styl van zyn lêermêester. Loatere werkn van Boeckstuyns evolueerdn noar e veel sierlikere, slankere styl. In 1723 makte Boeckstuyns een houtn prêekstoel met een ofbeeldienge van Sint Norbert vo de kapelle van Leliëndael en je produceerde een antal kleindere werksjes te bezichtign in 't Hof Van Busleyden.

't Plan van Boeckstuyns vor e gevelwand, versierd met e figeure van Sint Sebastian, vo 't hoofdkwartier van de Mechelsche Schuttersgilde, toogde zyn vakmanschap ols architect.

Boeckstuyns zyn belangrykste lêerlienk was Theodoor Verhaegen.

Êekn biechtstoeln (ca. 1690) deur Jan-Frans Boeckstuyns in de basilieke Onze-Lieve-Vrouwe van Hanswyk, Mechelen
Wikimedia Commons