Jef Lambeaux

Jef Lambeaux (Antwerpn, 14 januoari 1852 – Sint-Gillis (Brussel), 5 juni 1908) was e Vlamsche neobarokke beeldhouwer.

Ost 'n tien joar oud was giengt 'n noa d'Antwerpsche academie, woa dat 'n vuuf joar loater e prys vor expressie en anatomie won. Je krêeg lesse van beeldhouwer Geefs. Je werktege van 1879 tout 1881 in Parys in 't atelier van schilder Jan Van Beers woa dat 'n ook A. Rodin teegnkwam en M. Caudelier, die hem in beschermienge nam. Je kêerdege were noa Brussel in 1881 en je werktege doar in e museum van wassn beeldn. Zyn bezoek an Itoalië in 1882 bepoalde zyn verdere artistieke ountwikkelienge.

Werkn

De Kus (1881), beeld in brons, Keuninklik Museum vo Schône Kunstn, Antwerpn
't Zot Lied (1884), me saters en nimfn, die dikwils vôornkommn in zyn werk
De Brabofonting (1886) ip de Grôte Markt in Antwerpn met de Brabofigeure die 't hand van de reus wegsmyt en de woaternimfn die de woapnschildn van de stad droagn
De Menschelikke Driftn (1898), reliëf in wit marmer in 't Horta-Lambeauxpaviljoen in 't Jubelpark in Brussel
De Triomf van de Vrouwe (1901).
Beeldn die de provincies Ôost-en West-Vloandern vôornstelln, an de Triomfboge (1905) in 't Jubelpark van Brussel
Sint-Joris die de droake overwint, beeld ip 't Sint-Joris Gildehuus in Antwerpn
Verschillige borstbeelden, lik van H. Conscience en H. De Braekeleer.
Beeldn in 't stadhuus van Leuvn

Ofbeeldiengn die ier by passn ku je vien in de categorie Jef Lambeaux van Wikimedia Commons.