Zeruzalemstroate
De Zeruzalemstroate is e stroate in Brugge
Geschiednisse[bewerkn | brontekst bewerken]
In de 14ste êewe bestoendr in de stroate die loatre Zeruzalemstroate zoe goan êetn e kapelle deur e lid van de famielje Adornes gebowd. Dat schrêevn toch de broers Adornes, ozze in 1427 no Rome schrêevn en 'n uutbreidienge vroegn, die ook wê 'n êeste bow ku gewist zyn. Mêt e bulle verlêend deur paus Martinus V krêegn Pieter II Adornes en Jacob Adornes toeloatienge vor e privékerke mê klokketorre uut te bown die mê zyn ôostersche bowstyl êrinnerde an 't Illig Land en woada ze de noame Zeruzalemkerke an goavn. 't Werk zoe in de loop van de 15ste êewe worden vultôojd deur Anselm Adornes, de zeune van Pieter II Adornes. Lik undre vôorvoadre Opicius Adornes, woarn Pieter II en Jacob Adornes ip beevoart no Zeruzalem getrokkn, lik noa undre ook Anselmus Adornes en andre famieljeleedn 't zoen doen.
De kerke stoend in de "Stuufzandstroate", in e wyk woada de famielje Adornes 'n uutgestrektn eigndom bezat. De Stuufzandstroate geleegn in de wyk Stuuvnberge, a zyn noame verzeekrs te dankn an 't sôorte droog zand datr lag (vroegre meuglik zêezand) en da gemakklik lik stof ipvlôog. 't Was oenvermydlik da de stroatnoame moste platse moakn vor e niewe noame, oentlêend an 't ipvollnd gebow in de stroate en die vanof 't ende van de 16ste êewe lik êenigte stroatnoame oovreblêef.
De Zeruzalemstroate lopt van de splitsienge Rôostroate-Peeprestroate no de Carmersstroate.
E bitje voddr kykn[bewerkn | brontekst bewerken]
- (nl) Schouteet, Albert 1977 : De straatnamen van Brugge. Oorsprong en betekenis, Brugge, ISBN 9789062675036.
- (nl) Geirnaert, Noël 1983 : De Adornes en de Jeruzalemkapel. Internationale contacten in het laatmiddeleeuwse Brugge, in : Adornes en Jeruzalem, Brugge.
- (nl) Beernaert, Brigitte e. a. 1999 : Jeruzalemstraat 53, herberg Malbrough, in : Via Europa, reisverhalen in steen, Open monumentendagen Brugge 1999, Brugge.
- (nl) Delfosse, Jan 2010 : Van Bourgondisch kamerheer tot neogotisch schrijnwerker, de bewoners van Jeruzalemstraat 56-60 in Brugge, in : Brugs Ommeland, blz. 107-124.
- (nl) Beernaert, Brigitte e. a. 2012 : Jeruzalemstraat 25, Pastorie van Sint-Anna, in : Muziek Woord Beeld, Open Monumentendag 2012, Brugge.