Jozef II (HRR)

Van Wikipedia
Jozef II
1741-1790
Portret van keizer Jozef II in uniform, ca. 1780
Hertog van Teschen
Periode1765-1766
VôorgangerFrans I
IpvolgerMaria Christina van Ôostnryk en Albert Casimir
Keizer van 't HRR
Periode1765-1790
Rôoms-Duutsche keunienk :
1764-1790
VôorgangerFrans I
IpvolgerLeopold II
Eirtshertog van Ôostnryk
Periode1780–1790
VôorgangerMaria Theresia
IpvolgerLeopold II
Keunienk van Hongareye, Krowoasje en Boheemn
Periode1780–1790
VôorgangerMaria Theresia
IpvolgerLeopold II
Hertog van Broabant, Limburg, Lothier, Luxemburg, Milaan
Groaf van Vloandern, Henegouwn, Noamn
Periode1780–1790
VôorgangerMaria Theresia
IpvolgerLeopold II
VoaderFrans I Stefan
MoederMaria Theresia

Jozef II (Jozef Benedikt August Johan Anton Michael Adam) (Weenn, 13 moarte 1741 -Weenn, 20 februoari 1790), van 't Huus Habsburg-Lotharingen, was den oudste zeune van keizerinne Maria Theresia en heur vint Frans I Stefan. Je was de broere van Marie Antoinette.

Je kwam Rôoms-Duutsche keunienk in 1764, in 1765 keizer van 't Hillig Rôoms Ryk, en in 1980 ook keunienk van Boheemn en Hongareye.

Jozef II wierd in Brussel verteegnwoordigd deur zyn zuster Maria-Christina, die tegoare met heur vint Albrecht van Saksen-Teschen landvoogdesse van d’Ôostnryksche Nederlandn was.

In 1789 kwoamn de Zudelikke Nederlandn in ipstand teegn ’t Ôostnryks gezag van Jozef II, die d'Ôostnryksche Nederlandn wilde moderniseern volgns d’ideeën van de Verlichtienge. Zyn deurgevoerde hervormiengn woarn goed bedoeld mo ze wierdn nie anveird deur de bevolkienge. Zowel de conservatievn, de gêestelikkn, d'ambachtsliedn en de Statiestn, e groeperienge round de Brusselschn advocoat Hendrik van der Noot, as de progressieve burgerye, ounder leidienge van den advocoat Jan-Frans Vonck, spandn tegoare teegn ‘t beleid van Jozef II.

De revoluusje begost in ’t Hertogdom Broabant met de Slag by Turnhout en wordt ook de Broabantse Omwentelienge genoemd. Loater volgdn de groafschappn Vloandern, Henegouwn, Noamn en ’t oud Hertogdom Limburg (nu de Belgische provinsje Luuk en ’t zuudn van d’Hollandsche provinsje Limburg) ‘t voorbeeld van Broabant. Jozef II wierd nie mer erkend as vorst van uze gewestn en ze stichtegn de Verênigde Nederlandse Stoatn.

In 1790 wierd et gezag van de Ôostnrykers were hersteld ounder Jozef zyn joungere broere, keizer Leopold II, die hem ipgevolgd was deurdat ie stierf zounder zeuns.

De Verênigde Nederlandse Stoatn in 't roze (1790)
Wikimedia Commons