KULAK

Dit artikel es geschreevn in 't Kortryks, en da zou best ozô bluuvn.

De KULAK, of De KU Leuven Campus Kortrijk, es de ofdêlienge van de Leuvense Universiteit die geleegn es ip 't Ôoge in Kortryk. De 'A' in de noame wyst ip de vorige noame, in plekke van 'Campus' wos't ton 'Afdêlienge'. Moar omda ze da nie gèern ôord'n omda da de zelfstandigheid van de unief in vroage stelde, ein ze der ton 'Campus' van gemakt. Omdat KULCK nie echt goe klienkt, en niemand da dus gebrukte, es de afkortienge KULAK wel gebleevn.

Geskiedenisse

De KULAK es van start gegoan in 1965, als antwoord ip de vroage om het universitair onderwys dichter by het volk te bringn (zo es ook de universiteit in Limburg ontstoan, gekend als 'Diepenbeek'). Z'es sterk verbond'n met de unief van Leuven, want in Kortryk keun je ollêene moar Bachelor-joarn volgn, woarnoa daje verondersteld weird om noar Leuven te goan. De KULAK eit ol verskillende nieuwe richtingn gekreegn, en zi ongevjer duuzd vierhonder studentn. Deurêen de joarn eit de KULAK ol verskillige rectors gehad:

1971 - 1991: Guido Maertens
1991 - 1992: Frans Van Cauwelaert (overleedn achter de openienge van zyn êeste academiejoar als rector)
1992 - 1996: Vic Nachtergaele
1996 - 2001: Marcel Joniau
2001 - 2009: Piet Vanden Abeele
2009 - 2013: Jan Beirlant
2013 - 2017: Marc Depaepe
2017 - : Piet Desmet

Ipleidiengn

Bachelorjoarn in de economische wetenskappn (ôok handelsingenieur), Toal- en Letterkunde, Geskiedenisse, Rechten, Weetnskappen, Informatica en geneeskunde.

Externe Koppeliengn

Ofbeeldiengn die ier by passn ku je vien in de categorie Katholieke Universiteit Leuven, afdeling Kortrijk van Wikimedia Commons.