Koap Blankenesse
.jpg)
Koap Blankenesse (Frans: Cap Blanc-Nez) es e steile koape langs de Fransche Opoalkust. 't Meest upvollende es de typische witte kleur van de rotsn en de ground.
Liggienge
[bewerkn | brontekst bewerken]Koap Blankenesse es 134 m oge, dus e heel stik ogger dan Koap Zwartenesse (45 m oge) da moa 6 km vodder ligt.
De koap makt deel uut van 't gemeentje Skoale (Frans: Escalles).
Geologie
[bewerkn | brontekst bewerken]De witte rotsn bestoan uut kryt (kolk) en mergel, dat es e witte klytsoorte.
Ot woater goed ofgetrokkn hêt, komt er an 't strang een klytelage blôot, die van den oundersten elt van de Krytperiode (Albiên, 112 - 100Ma) komt.
A je chance eit, kun je of en toe fossieln lik ammonietn vindn, dat uut de rotsn is gevolln, mô vô d' echte goeie fossieln moe je in de klytelaagn gôn kykn.
-
Ammoniet -
Verstêend stik hout
Nateure
[bewerkn | brontekst bewerken]Deur dat er veel kolk zit in de ground eit er em round de koape flora ountwikkeld die uutzounderlik es vo e land lik Vrankryk. Deur de moeilik toegankelikke rotsn es ook de fauna ier styf divers. Ge vindt er byvoorbeeld zilvermeeuwn, kauwn, de nôordse stormveugel, sternn en specioale soortn zwoaluwn.
Monument
[bewerkn | brontekst bewerken]Up de koape stoat er e monument in de vorm van nen obelisk. J'es gewyd an de Fransche en Iengelsche soldoatn die binst den Twiddn Weireldoorloge under leevn geloatn ein by de verdedigienge van de strategisch belangrikke zêenauwte Nauw van Kales.
Noame
[bewerkn | brontekst bewerken]De Fransche noame Cap blanc-nez komt van 't Oudnederlandsche blanka (blank, wit) en nesta, wuk da wil zeggn "land da uutstikt up de zee". 't Wôord 'nez' is ôok verwant mê 't oud nôors wôord 'nes' wat da 'kaap' of 'landtong' betêeknt.