Kalle met den oak

Van Wikipedia
Naar navigatie springen Naar zoeken springen

Kalle of Kolle met den oak is een woatergêest die surtout klêne joungns in ’t woater lokt. Je weunt in de Mandel en in de woaterpittn van d’ uuzn in de omgevinge. Os je doar over een brugge lopt, kryg je ’t gevoel da je noa de leuninge getrokkn wordt.

Vroeger wierd er verteld an de joungns da ze nie te dichte by ’t woater mochtn kommn en ook nie in een woaterpit mochtn kykn. Anders zou Kolle under d’rin trekkn mè z’n oak.

Ook menschn die leevnsmoe zyn, lokt ’n mè z’n oak in ’t woater. Wa dat ’n doarachter me die sukkeloars uutstikt, is nie geweetn. Nog nôois ist er etwien weregekêerd vo ’t verder te vertelln.


beeltenis van de roemruchte Kalle met n'Oak