Karyotype

Van Wikipedia
Ga naar: Begunplekkn, zoeken
Karyotype van e vint (XY)

‘t Karyotype van een organisme is 't gehêel van de gerangschikte chromosoomn, lik da ze binst een bepoald stadium van de celdêlienge te zien zyn ounder e microscoop: vb. 46XY wil zeggn 46 chromosoomn, woarounder een X- en een Y-chromosoom. Vo 't karyotype te kunn ipschryvn e je e karyogram nôdig. Deur ‘t karyogram te bestudeern, kunn chromosoomofwykiengn gevoundn wordn.

‘t Moakn van e karyogram[bewerkn | brontekst bewerken]

De chromosoomn kunn ‘t best bestudeerd wordn binst e bepoald moment van de mitose, os de chromosoomn verdubbeld zyn en ip ’n bepoalde plekke an mekoar vastezittn (centromeer). Vo da te bereikn wordn mêestal witte bloedcelln gekwèekt en gestimuleerd vor under te dêeln. Deur chemische bewerkiengn wordn de celkernn g'isoleerd. De ofgebeelde chromosoomn wordn ton gerangschikt volgns grotte. De nummerienge van de chromosoompoarn lopt van grôot noa kleine.