Kaukasus

Van Wikipedia

Liggienge van de Kaukasus

De Kaukasus of Kaukasië is e gebied tusschn de Zwarte Zêe en de Kaspische Zêe en bestoat surtout uut Armenië, Azerbeidzjan, Georgië en dêeln van Zuud-Rusland. De bergn van de Kaukasus wordn anzien lyk e nateurlyke barrière tusschn Ôost-Europa en Zuudwest-Azië.

't Kaukasusgebergte bestoat uut de Nôordelyke Kaukasus of Ciskauasië en de Zuudelyke Kaukasus of Transkaukasië. 't Gebergte van de Grôte Kaukasus in 't nôordn wordt gedêeld deur Rusland en Georgië, en de mêest nôordelyke dêeln van Azerbeidzjan. 't Gebergte van de Klêene Kaukasus in 't zuudn wordt bezet deur verschillige oenofhankelyke stoatn, surtout deur Armenië, Azerbeidzjan en Georgië, moa 't strekt ook uut toet dêeln van Nôordôost-Turkeye en Nôord-Iran.

De regio stoat bekend vo zyn toalkundige diversiteit. Buutn Nôord- en Zuud-Kaukasische toaln wordn der ook Turksche toaln, Iroansche toaln, Sloavische toaln, Grieks en Armeens gesprookn. De Kaukasus kent ook verschillige volkern, lyk Armeniërs, Avoarn, Azerbeidzjoann, Georgiërs, Perzn, Russn en Tsjetsjeenn.

Wikimedia Commons