Kemel

Van Wikipedia

De kemel (Camelus bactrianus) is e grôte hoefbêeste van de familie van de Camelidae (kemelachtign), ofkomstig van de stepn van Centraal-Azië. De kemel verschilt van de dromedoaris deur 't antal bultn ip zyn rik. De kemel èt er twêe, de dromedoaris mor êen. Van de twêe is de kemel veruut de zeldzoamste sôorte. Van de populoasje van twêe miljoen zyn de mêeste gedomesticeerd. Vantyd wordt de noame Camelus ferus gebruukt vo de wilde kemel en Camelus bactrianus vo de gedomesticeerde sôorte.

De gedomesticeerde Bactrische kemel wierd al in den antiekn tyd gebruukt ols lastbêeste. Deur dan ze zo goed bestand zyn teegn koude, droogte en grôte hoogtes woarn ze geschikt van in karavoan te reizn ip de Zyderoute.

Van de wilde kemels zyn der nog mor e stik of 800 overgebleevn. Ze stoan ip de rôoie lyste van de bedreigde sôortn. Ze leevn nog in ofgeleegn gebiedn van de Gobi-en Taklamakanwoestyne van Mongolië en China. Der zyn ook nog ênigte die zwervn in de provinsje Mangystau in 't zuudwestn van Kazachstan en de Kasjmirvalleie in Indië.

Wikimedia Commons