Kestdag

Van Wikipedia
Naar navigatie springen Naar zoeken springen
Kestboom

Kestdag is ne feestdag en de dag woarip da de christnen de geboorte van Jezus Christus viern. 't Volt ieder joare ip 25 december. Den oavend dervôorn wordt kestoavend genoemd.

Geschiedenisse[bewerkn | brontekst bewerken]

Volgns de evangeliën moestn Maria en Jozef, de ouders va Jezus, noa Bethlehem om udder te loatn registreern by de bezettiengsmacht, 't Romeins Ryk. De keunieng Herodes oat doar toe beslootn, om de innienge va belastiengn meugelik te moakn. 't Verhoal goat dat olle erbergn vul zoatn en da Jozef toun moa ne stol gezocht eit om in te sloapn omdat ie zag dat Maria ieder moment koste koopn. Jezus zoudt toun geboorn zyn in dien stol.

Het fêest van Kestdag es een typisch vôorbeeld van recuperoatie deur de Katholieke keirke, want vôorn da de christnen da vierdn, wos 't er ol een fêest in die periode. De Germoann vierdn midwinter round 21 december omdat vanof ton de doagn were langer koomn. In de 4de eeuwe eit Constantyn de Grote beslist da Kestdag ip de 25sten december moest volln. Tot toun wos de geboorte va Jezus nie echt belangryk in het christndom.

Eedndoags gebruk[bewerkn | brontekst bewerken]

Oloewel da kestdag voo de christnen nog oltyd van grôot belang es, wordt het olgemêen gevierd in 't Westen, oa je nu gelôvig zyt of niet. Minsn zettn toun mêestol ne kestbôom, eventueel me een keststolleke. Ze versiern udder uus me verluchtienge, zowel binn of buutn. Kestdag eit ôok zyn typische muziek vôortgebrocht, mêestol nogol van meligen oard. Minsn viern kestoavend dikwyls in familieverband en kestdag zelve es nen typische dag om familie te bezoekn. Kestdag es ôok een moment om cadeautjes te geevn an u dierboarn. In sommige landn, lik Amerika weirdn die kadootjes gebrocht deur de Kestman (Santa Claus), een mêer Angelsaksische variant va Sintekloai. 't Es surtoe voo de kommérse da we kestdag nog viern: 't zyn nie vele minsn die nog weetn over wuk dat 't eignlik goat. Vele sjow ip den teevee, buuksje vul frettn, en och here moeder eerde no de wuppe elpn.