Kilogram

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Antiek gewicht van 1 kg

Kilogram is de basisêenheid van massa in 't SI-système vo 't metriek stelsel, mè 't êenheidssymbool kg. 't Wordt vele gebruukt vo te meetn in de weetnschap, techniek en commerce over hêel de weireld en 't is gelykig an duusd gram. 't Wordt in de volksmoend dikwyls geweune e kilo genoemd.

De kilogram wierd ôorsproenkelyk in 1795 gedefinieerd lyk de massa van één liter woater. In 1799 wierd e nieuwe standoardkilogram gemakt, de Kilogram des Archives in platina. In 1889 wierd e cilinder van 90 % platina en 10 % iridium 't Internationoal Prototype van de Kilogram (IPK), de standoard vo den êenheid van massa vo 't metriek stelsel en da bleef azo toet 2019.

Nu wordt de kilogram gedefinieerd volgns de seconde en de meter, gebaseerd ip vaste fundamentele nateurconstantn.

Replica van 't prototype van de kilogram (IPK)