Konrad II (HRR)

Konrad II (ca. 990 – Utrecht, 4 juni 1039) was de stichter 't Salisch Huus van keizers. Je brocht et keunienkryk Bourgondië, ton 't keunienkryk Arelat of Arles genoemd, ounder 't Hillig Rôoms Ryk.

Konrad II was de zeune van Hendrik van Speyer en Adelaide van Metz. Je was Rôomsche keunienk van 1024, keunienk van Italië en keizer van 't Hillig Rôoms Ryk van 1027 en van 1032 ook keunienk van Arles.

Keunienk Rudolf III van Bourgondië ha vo zyn dôod Konrad II angeduud ols zyn ipvolger omdat ie gin erfgenoam haad. Mo de neve van Rudolf, Odo II van Blois, de zeune van zyn zuster Bertha van Bourgondië, betwistte dat ipvolgiengsrecht en ze begostn 'n oorloge die twi joar deurde moar uutendelyk in 't vôordêel van Konrad uutdroaide.

Konrad trouwde in 1016 met Gisela van Zwaabn. Under jounges:

• Hendrik III (1017-1056)
• Beatrix (1020-1036)
• Mathilde (1027-1034), in 1033 verloofd me de Frãnsche keunienk Henri I, begroavn in den dom van Worms.

Ofbeeldiengn die ier by passn ku je vien in de categorie Conrad II, Holy Roman Emperor van Wikimedia Commons.