Krôonvloandern

Krôonvloandern is de benoamienge vo ’t dêel van ‘t Groafschap Vloandern, ten westn van de Schelde, dat in lêen was van de Fransche keuningn sedert ‘t Verdrag van Verdun in 843. In ’t begun van de 11ste eeuwe, ounder Boudewyn IV met den Board, kreegt de groaf van Vloandern ôok lêengebiedn van de keizer van ’t Duuts Illig Rôoms Ryk, Ryksvloandern genoemd.

In 1525 verlôor de Franschn keunink Frans I de Slag by Pavia van Karel V, binst den Italioanschn oorloge van 1521-1526. By de vredesverdroagn die d’r ip volgdn, de Vrede van Madrid in 1526 en de Damesvrede van Kameryk in 1529, woaby da Karel V vertegenwoordigd was deur z’n tante Margaretha van Oostnryk en Frans I deur z’n moeder Louise van Savoye, most de keunink van Frankryk z’n ansproakn ipgeevn ip ‘t Ertogdom Milaan, ‘t Keuninkryk Napels, Franche-Comté, Doornik, Artesië en Krôonvloandern.