Krabbe

Nôordzêekrabbe

Ryk:	Animalia (Bêestn)
Stamme:	Arthropoda (Geleedpôtigen)
Substamme:	Crustacea (Kreeftachtigen)
Klasse:	Malacostraca (Oggere kreeftn)
Orde:	Decapoda (Tienpôtigen)

Infraorde

Brachyura
Linnaeus, 1758

Krabbn (Brachyura) zyn kreeftachtigen (Crustacea), orde tienpôtigen (Decapoda).

Uutzicht

Krabbn en e kopborststik en e klêen achterlyf dat ommegeklapt zit teegn under buuk. Z'en een stevig rikpantser, een gesegmenteerd buukpantser en vuuf poar gelede pôotn. 'n Poar van die pôotn is uutgegroeid tout schoaren, d'andere wordn gebruukt by 't loopn, zwemmn en groavn. Met under schoaren kunn z'under prooi verscheuren en under verdedigen. Krabbn oasemen met under kieuwen die alsan nat moetn bluuvn.

Leven

Krabbn en een eigenoardige maniere van under te verplatsn. Ze loopn over 't algemêen ipzyds in plekke van voruut.

Krabbn eetn plantn, worms, schelpbêestn, zêesterren, klêne vissn, andere klêne bêestjes en surtout oas.

De mêeste van de 4500 sôortn leevn in de zêe. Langs uze kust zie je mêestal de Strandkrabbe (Carcinus maenas), die 5–6 cm lank is en die beter lopt dan zwemt. De Nôordzêekrabbe (Cancer pagurus) wordt tot 30 cm brêed en wordt surtout langs de Britse kustn gevangen vor ip t'eetn. Ook Zwemkrabbn (Liocarcinus spp.) kom je teegn an uze kust, 't zyn zelfs de meest algemêne.

Biologische indelinge ^[1]

Sectie Dromiacea
- Dakoticancroidea †
- Dromioidea
- Eocarcinoidea †
- Glaessneropsoidea †
- Homolodromioidea
- Homoloidea
Sectie Raninoida
- Raninoidea
Sectie Cyclodorippoida
- Cyclodorippoidea
Sectie Eubrachyura
- Subsectie Heterotremata
- Subsectie Thoracotremata

Uutdrukkienge

Je lopt zo schêef of e krabbe.

Referensjes

Referenties:

↑ De Grave, Sammy, N. Dean Pentcheff, Shane T. Ahyong et al. , (2009). "A classification of living and fossil genera of decapod crustaceans". Raffles Bulletin of Zoology Suppl. 21: 1–109.

Externe koppelienge

Krabben.net

[1] De Grave, Sammy, N. Dean Pentcheff, Shane T. Ahyong et al. , (2009). "A classification of living and fossil genera of decapod crustaceans". Raffles Bulletin of Zoology Suppl. 21: 1–109.

[1]