Leers-Nôord
| Leers-Nôord | |
|---|---|
| |
| Geografie | |
| Provinsje |  Henegouwn
|
| Gemêente | Stêenpit |
| Coördinoatn | 50°41′NB 3°16′OL |
| Oogteliggienge | m |
| Ippervlakte | 4,05 km² |
| Inweuners – Bevolkiengsdichtheid |
1526 (30/12/2000) 376,79/km² |
| Vintn Vrown |
% % |
| Andre info | |
| Postcode | 7730 |
| Zonenummer | 056 |
| [[ofbeeldienge:{{{foto}}}|300px]] {{{byschrift}}} | |
Leers-Nôord (Frans: Leers-Nord, Nederlands: Leers-Noord) es e dorp en dêelgemêente van de Woalse gemêente Stêenpit in de provinsje Enegouwn. 't Ligt o de zuudkant van Stêenpit zelve, teegn de schreeve me Vrankryk. An den and're kant van de schreeve ligt de Fransche gemêente Leers. O de nôordkant van Leers-Nôord lôopt et Spierekanoal die by de Schreve ooverlôopt in't Kanoal van Roboais. 't Staduus van de gemêente Stêenpit stoat in Leers-Nôord en nie in Stêenpit zelve.
Geschiedenisse
[bewerkn | brontekst bewerken]Leers-Nôord en't Fransche Leers woarn langn tyd êen plekke geleegn in de kasselrye Rysel. By de Vrede van Oakn tusschn Vrankryk en Spanje in 1668 wierd'n an Vrankryk êenigte gebied'n gegeevn die nu in't uudige Nôorderdepartement liggn, wa nog ne kêe wierd bevestigd by de Vrede van Neymeegn in 1678. Mo deur 't oude feodoale systêem kende de schreve ip teffrente plekkn echter e vrêe ouneffn verlôop mè encloaves en excloaves. Der moste e commisje de grenzn deftig vasteleggn, mo 't deurde ton nog tout 22 ogustus 1769 êer der e grensverdrag kwam tusschn de Fransche keunienk Lodewyk XV en Maria Theresia van Ôostnryk (de Spoansche Nederlandn woarn oundertusschn ol d'Ôostnryksche Nederlandn). Leers wierd doaby hillegansn by 't Fransche keunienkryk gesmeetn. Kerkelyk bluuvde Leers pertank volln ounder 't bisdom Dôornik. Ôok liep de boane van Dôornik noa Mjinde twis deur Leers en zodoende over de schreve, wa de mienschn nie geirn ad'n mè da ze ton tol moestn betoaln. In 1779-1780 kwamter ounder Lodewyk XVI e nief verdrag. Leers wierd ezo nu in twêe gedêeld. Leers-Nôord kwam by 't Dôorniksche in d'Ôostnryksche Nederlandn, Leers-Zuud bleef in de Fransche kasselrye Rysel.
Ip't ende van d'achttiende êeuwe kwoamn d'Ôostnryksche Nederlandn ounder Fransche bezettienge en wierd Leers-Nôord e gemêente in't departement Jemappes. Achter 1814 ôordigde 't ounder 't Ollands bewind by de provinsje Enegouwn. In 1820 wierd de schreve uutendelyk definitieve vastegeleyd mè 't Verdrag van Kortryk.
Leers-Nôord bleef ezo e zelfstandige gemêente, totda 't by de gemêentelyke erindêelienge van 1977 by de gemêente Stêenpit wierd gesmeetn. Leers-Nôord ôordigde, juuste lyk Stêenpit en d'and're oumligg'nde dorpkes, ôorsprounkelyk by 't Nederlandstoalige toalgebied mor es mè de lôop der joarn zwoar verfranst.
|
Ofbeeldiengn die ier by passn ku je vien in de categorie Leers-Nôord van Wikimedia Commons. |