Levantynsche Zêe
De Levantynsche Zêe es de noame die gegeevn wierd an 't ôostelyk gedêelte van de Middellandsche Zêe (apeupri olles van 't woater dervan wa ôostelykker ligt of 24 groad'n ôosterlengte). De Levantynsche Zêe wierd gegrensd deur Turkeye in't nôordn, deur Syrië, Libanon en Israël in't ôostn en deur Egypte in't zuudn. In't nôordwestn lôopt de Levantynsche Zêe tusschn de Grieksche eyland'n Rhodos en Kreta oover in d'Egeïsche Zêe. In't midd'n dervan ligt 't eyland Cyprus.
De noame van de zêe verwyst noa de Levant, wa de noame es van't ôostelyk kustgebied van de Middellandsche Zêe, doa woa de zunne ip komt vanuut oes standpunt bekeekn (wa komt van levare, wa "ipstoan" wilt zeggn in't Latyn). De zêe es ol sedert de verre Oudeyd en vrêe belangrykke plekke woa der teffrente scheep'n deur passeern. De belangrykste riviere die uutmoundt in den Levantynschn Zêe es de Nyl. O den ôostkant van de Nyldelta ligt et Suezkanoal wa de verbindienge makt mè de Rôo Zêe.
|
Ofbeeldiengn die ier by passn ku je vien in de categorie Levantine Sea van Wikimedia Commons. |