Locus (genetics)
(1) Chromatide
(2) Centromeer
(3) Kortn (p) erme
(4) Langn (q) erme
Locus (meervoud: loci, komt vant Latyn, plekke) is e vastgelegd pleksje ip e chromosoom woa da een gen of een andere reekse nucleotiden under bevinden. Varioasjes van de DNA-sequensje ip e locus noemw allelen. Awe olle pleksjes daw kenn tope leggn en schone ordenen ewe e genetische koarte. Tis azo dat et 1e gen assan locus 1 krigt en t'latste gen assan locus 100. Olle genen dertusschen krign als locus de afstand in Centimorgan tot 't eerste gen.
Nomenclature
[bewerkn | brontekst bewerken]
De chromosomale locus van e gen kan byvoorbeeld 6p21.3 zin.
| Component | Verklaring |
|---|---|
| 6 | 't Nummer vant chromosoom |
| p | De locus bevindt em ip de korten erme vant chromosoom (p stoat veur petit van in 't Frans); q gebrukn we vo de langn arm. |
| 21.3 | 't Nummer achter de letter gebrukn we vo de positie ip den erme: byvoorbeeld band 21, sub-band 3. Die bandn kunn we zien awe de chromosomen e kleurtje geven me e fysiologische kleuringe. Awe ze tonne onder de microscoop leggen kuwe glik bandjes zien. Olle bandjes zin genummerd e we begunn me nummer 1 van 't bandje da e tichtst bit centromeer ligt. Awe de subbandjes ('t ciffertje achter de punt) willn zien, tonne ewe e indlyks straffe resolusje nodig. |
D'utendn van e chromosoom wordn belabelt als ptel en qtel en ze verwizn noar et telomeer, woa da byvoorbeeld 2qtel verwyst noa 't telomeer van de langen arm vant 2e chromosoom.