Lodewyk IV van West-Francië

Van Wikipedia
Lodewyk/Louis
920- 954
Keunienk van West-Francië
Periode936 - 954
VôorgangerRudolf
IpvolgerLotharius
VoaderKarel de Simpeln
MoederEadgifu van Wessex

Lodewyk IV bygenoamd van Overzêe of Transmarinus (Louis IV d’Outre-Mer in 't Frans) (Laon, 920 – Reims, 10 september 954), van de familie van de Karoliengers, was keunienk van West-Francië tusschn 936 en 954.

Je was de zeune van keunienk Karel de Simpeln en Eadgifu van Wessex. Zyn moeder was e dochter van den Iengelsche keunienk Edward den Oudern van Wessex en zyn twidde vrouwe Ælfflæd.

In 923 wierd Karel de Simpeln gevangn gezet deur Herbert II van Vermandois. Eadgifu vluchtte met heur zeuntje noar Iengeland, noar heur halfbroere keunienk Æthelstan, vandoa Lodewyk zyn bynoame van Overzêe.

In 936 kostn ze werekêern en wierd Lodewyk tout keunienk gekrôond.

Vrouwe en jounges[bewerkn | brontekst bewerken]

Lodewyk trouwde in 939 me Gerberga, dochter van Hendrik de Veugeloare en Mathilde van Ringelheim. Under jounges:

  • Lotharius (941-986)
  • Mathilde (943 - 992), in 964 getrouwd me Konrad I van Bourgondië
  • Hildegarde (ca. 944)
  • Karloman (ca. 945)
  • Lodewyk (948 - 954)
  • Karel van Neder-Lotharingen (953-991) (wordt de stichter van Brussel genoemd)
  • Henri (953), twilliengbroere van Karel van Neder-Lotharingen, kort achter zyn geborte gestorvn.
Wikimedia Commons