Lodewyk Maekeblyde

Van Wikipedia
Naar navigatie springen Naar zoeken springen
Dit artikel es geschreevn in 't Poperiengs, en da zou best ozô bluuvn.

Lodewyk Maekeblyde (Poperienge, 24 moarte 1564 - Delft, 17 ogustus 1630) wos e poater jezuït uut Poperienge die stichtelike werkn schrêef in e periode da 't katholicisme vele teegnkantieng krêeg.

Zyn leevn[bewerkn | brontekst bewerken]

Lodewyk Maekeblyde wos de zeune van 'n burgemêester van Poperienge. E goenk van 1579 tout 1584 na de humaniora in Sint-Omaars. E studeerde twi joar filosofie in Dowaai. In 1586 traad 'n in by de jezuittn. Achter twi joar novice te zyn in Dôornik studeernde Latyn en Grieks, were in Sint-Omaars. Doa lei 'n in 1588 zyn geloftn of. E gaf lesse in Brugge en Yper, en e goenk van 1595 tout 1599 theologie goan studeern in Leuvn. In 1600 wos 'n rector enoemd in Winoksbergen en in 1604 in Yper. Van 1605 tout 1606 wos Maekeblyde predikant in Antwerpn, en doarachter in Scherpeneuvel. Van 1608 of wunt'nde in Gent. In 1611 goenk Lodewyk Maekeblyde na Delft: e kwam missionoaris in Olland. Dat wos ni evident, want in dien tyd woarn de katholiekn - en de jezuitn zekers ni - doa ni geirn ezien. In 1617 bevôorbeeld kost 'n ollêne moa 's nachts goan preekn. In 1619 wos 'n zelfs anoudn, moar e wos were vry eloatn achter da ze e borgsomme van 600 guldn nereleien[1]. Maekeblyde goenk dôod op 17 ogustus 1630. E legt begroavn in Voorschoten. Op zyn graf stoat er: God maakt hem blijde.

Werk[bewerkn | brontekst bewerken]

Maekeblyde wos e typischen dichter van de Contra-Reformoasje. In 1607 vroegen ze nem om e catechismus te moakn vor ol de bisdomn woa da ze Vlams en Ollands klappnde. E schryf gebeedn op rym da je kuste leezn vôor en achter 't eetn; die gebeedn goengn vele joarn mei. Zyn boekn woarn dikkers erdrukt. Zyn klêen cvatechismus wos zelfs in 't Frans vertoald.

  • Cort onderwijs van acht oeffeninghen (1597): e klêen stichtelik boeksje vo de klêne joengs.
  • Thien oeffeninghen (1604): e boek mi gebeedn.
  • Nieuwe ende waerachtige historie van ses glorieuse Martelaers, die in Japonien voor 't catolyck gheloove ghedoot zyn in 't jaer 1604 (1609)
  • Den schat der christelicker leeringhe tot verklaringhe van de catechismus, uitghegheven voor de catholycke joncheyt van de Provincie des aertsbisdoms van Mechelen (1610)
  • Schat der ghebeden (1611): vertoalieng van de belangrykste kerkelike gezangn. In 'n twiddn druk (1619) et Maekeblyde ze vertoalieng op rym ezet.
  • Catechismus, dat is de christeliicke leeringhe, ghedeylt in neghen en veertich Lessen voor de Catholijcke jonckheyt van de Provincie des aartschbisdoms Mechelen, achtervolghende d'ordinantie van het Concilie Provinciael ghehouden aldaer anno 1607 (1611)
  • Konste om sekerlick de volmaecktheyt der Deughden te verkryghen, ghedeylt in twee deelen (1611)
  • Den Lusthof der gheestelicke oeffeninghen (1613)
  • Paradys van geestelycke oefeninghen (1617)
  • Den Berch der gheestelicker vreughden, vol hemelsche loven ende melodieuse lofsangen (1617(?) 1618 (?)): e getydnboek da bestoat uut hymnn in verzn, met êest e meditoasje in proza.
  • Korte pratycke om de stervenden by te staen (1618)
  • Troost der siecken ende overleden (1621)
  • Den hemelschen handel der devote sielen (1625)
  • Leven van den H. Joseph, met het officie van den selven heylighen (1625)
  • Den Hemelschen handel der devote zielen (1626)

Erkennieng[bewerkn | brontekst bewerken]

In Poperienge is 't er e stroate en e zoale na nem vernoemd. In Olland (Rijswijk) stoat er e Lodewijk Makeblijde College.

Bronn[bewerkn | brontekst bewerken]

  • F. Jos. van den Branden en J.G. Frederiks, Biographisch woordenboek der Noord- en Zuidnederlandsche letterkunde (1888-1891)
  • K. ter Laan, Letterkundig woordenboek voor Noord en Zuid (1941)
  • G.J. van Bork en P.J. Verkruijsse, De Nederlandse en Vlaamse auteurs (1985)
  1. http://www.heiligen-3s.nl/, URL bekeekn op 23/03/2008