Ludwig Feuerbach

Van Wikipedia
Naar navigatie springen Naar zoeken springen
Ludwig feuerbach.jpg

Ludwig Andreas Feuerbach (Landshut, 28 juli 1804 - Rechenberg by Nurnberg, 13 september 1872) wos nen Duutschn filosôof.

Zyn boasiswerk Das Wesen des Christentums (“Over 't weezn van't christendom”) schrêef tie in 1841.

Filosofie van Feuerbach[bewerkn | brontekst bewerken]

Volgens Feuerbach es gelôof e sôorte van vervrêemdienge en veruutwendigienge (of en antithese lyk in't schema "These-Antithese-Synthese" van Hegel). In't gelôof platst de miensch zyn eign weezn in e boovnnateurlyk ipperweezn. De miensch projecteert 't mêest wèirdevulle van zyn eign in e vrêemd weezn, noamelyk God. Dordeure vervremdt de miensch van zyn eign en voelt 'n em zyn eign klêene en machtelôos. Volgens Feuerbach wos 'n tyd gekommen vo de miensch van die wèirdevulle eignschappn die em ip God a geprojecteerd, were an zyn eign toe t'eigen'n. Feuerbach wilde dus religie nie bekampn mo ze ipheffn. Ne zei da overolsn woa ze de term God bêezign, da moeste vervangn word'n deur 't wôord miensch.

Invloed ip Marx[bewerkn | brontekst bewerken]

Feuerbach es e belangryke schoakel tusschn Hegel en Marx. Feuerbach wos juuste lyk Marx ne links-hegelioan en surtout zynne kritiek ip gelôof èit Marx vrêe beïnvloed. Friedrich Engels, de goe'n moat van Marx, zo loater schryvn dat ze ollemoale deur die vuurbeke (Feuer-bach) zyn gegoan. Marx gienk 't akkôord me 't feyt da gelôof e sôorte van vervrêemdienge es, mo ne zei da Feuerbach nie uutlei vo wa da de miensch zyn eign vervrêemdt in't gelôof; Volgest Marx lag d'ôorzôake van de vervrêemdienge iere in socioal-economische oumstandigeedn, mêer bepoald in de kapitalistische organizoasje van't werk.

Wikimedia Commons