Luuzn
| Luuzn | |||||||
|---|---|---|---|---|---|---|---|
 Schoamluuze (Pthirus pubis) | |||||||
| Taxonomische indêlienge | |||||||
| |||||||
| Orde | |||||||
| Phthiraptera Haeckel, 1896 |
Luuzn (Phthiraptera) zyn 'n orde van insectn zoender vleugels mè bykans 5000 soortn. 't Zyn styf kleene parasietn die leevn ip warmbloedige beestn.
De bekendste zyn de zuugnde luuzn uut d' oenderorde Anoplura, lyk de schoamluuze (Pthirus pubis), d' hoofdluuze (Pediculus humanus capitis) en de kleerluuze (Pediculus humanus corporis), moar ook de pluumeetnde veugelluuzn uut d' oenderorde Amblycera moakn deel van uut van d' orde.
Bytnde luuzn leevn tusschn 't hoar of de pluumn van e beeste en z' eetn vel of schilfers. Zuugnde luuzn boorn e gatje in 't vel en zuugn 't bloed ip. Ze cementeern hunder eyers, neetn genoamd, an 't hoar of de pluumn.
Luuzn kunn ziektes overbriengn, lyk tyfus.
Taxonomie
[bewerkn | brontekst bewerken]- Oenderorde Amblycera
- Families: Boopiidae - Gyropidae - Laemobothriidae - Menoponidae (veugelluuzn) - Ricinidae - Trimenoponidae
- Oenderorde Anoplura - (zuugnde luuzn)
- Families: Echinophthiriidae - Enderleinellidae - Haematopinidae - Hamophthiriidae - Hoplopleuridae - Hybothiridae - Linognathidae - Microthoraciidae - Neolinognathidae - Pecaroecidae - Pedicinidae - Pediculidae (menscheluuzn) - Pthiridae (schoamluuzn) - Polyplacidae - Ratemiidae
- Oenderorde Ischnocera
- Families: Philopteridae - Trichodectidae
- Oenderorde Rhyncophthirina
- Familie: Haematomyzidae
|
Ofbeeldiengn die ier by passn ku je vien in de categorie Phthiraptera van Wikimedia Commons. |