Maaike De Vreese
Maaike De Vreese (Brugge, 26 juli 1984) is e West-Vlamsche politica vo den N-VA. Ze weunt in Sinte-Machiels.
Z' hoalde in 2006 e master in de criminologie an den Universiteit Gent. In 2014 wierd ze gedetacheerd noa 't kabinet van stoatssecretoaris vor Asiel en Migroasje Theo Francken.
Ze wierd by de Vlamsche verkiezingen van 26 meie 2019 vanip de tweede plekke verkozen as Vlams Parlementslid ip de lyste van den N-VA in de Kieskring West-Vloanderen. Ook kwam ze deelstoatsenateur in de Belgische Senoat. As Vlams Parlementslid hield z' heur bezig met integroasje en inburgeringe, arbeidsmigroasje, transmigroasje, lokoale economie en d' Hoaven van Zeebrugge. Ze bleef Vlams Parlementslid en senateur tout in juni 2024.
By de Belgische federoale verkiezingen van juni 2024 kreeg De Vreese de tweede plekke ip de N-VA-lyste in West-Vloanderen en wierd ze verkozen in de Koamer van volksvertegenwoordigers.