Magyoarn

De Magyoarn ounder Árpád

Migroasje van de Magyoarn

De Magyoarn, de vôorouders van de etnische Hongoarn, woarn nomoadn die ôorsprounkelik ofkomstig woarn van et middn-Wolgagebied en doa verdreevn wierdn deur de Mongooln.

Een dêel van 't volk, de loatere Finnen, vertrok noar et nôordwestn, woadeure dan de Finno-Oegrische toaln nu nog in Finland, Estland, Hongareye en in 't Oeralgebied geklapt wordn.

Ounder Árpád (896-907) bestoundn de Magyoarn uut 7 stammn. Ze vertrokkn no 't westn vor under in 't bekkn van de Karpoatn te vestign. 't Gebied was ounder de Romeinn e stik van de provinsje Pannonia en 't was beweund gewist deur Hunnen, Ostrogootn en Sloavn, die et Grôot-Moroavisch ryk stichtegn.

Achter dat et Grôot-Moroavisch ryk uutêen viel deur de invoazje van de Magyoarn, bezettegn ze in 907 de vlakte tusschn de Tisza en de Donau en ze paktn de maniere van leevn en de godsdienst over van de Sloavn.

Ze vieln geregeld de Duutsche gebiedn binn en ze zyn lange de schrik van Europa gewist. In 955 versloeg Otto de Grôotn, de loatere keizer van et Hillig Rôoms Ryk, ze definitief in de Slag by Augsburg.

De Stefanskrôone

István, die zyn voader Géza in 997 ipvolgde, was de stichter van et keunienkryk Hongareye. Je wierd in 't joar 1000 deur paus Sylvester II tout Apostolische keunienk gekrôond. In de geschiedenisse stoat ie bekend als Stefan den Hillign. Je zoudt de Stefanskrôone gedreegn hen, mo de krôone dateert eigentlik van e loatern doatum.

Van ton paktn de Magyoarn de westerse maniere van leevn en under godsdienst over.

Kykt no de Lyste van keuniengn van Hongareye.