Stefan I van Hongareye

Van Wikipedia
Stefan I
ca. 975-1038
Grôotprins van de Magyoarn
Periode997-1000
VôorgangerGéza
Ipvolgerzelve als keunienk
Keunienk van Hongareye
Periode1000-1038.
Vôorgangernieuwn titel
IpvolgerPeter Orseolo
VoaderGéza
MoederSarolt

Stefan I of Stefan den Hillign (Hongaars: Szent István), van 't Huus Árpád (Esztergom, ca. 975-15 ogustus 1038) was de latste fejedelem (grôotprins) van de Magyoarn tusschn 't joar 997 en 't joar 1000, en den êeste keunienk van Hongareye van 't joar 1000 tout an zyn dôod in 1038.

Stefan was de zeune van stamhoofd Géza en zyn vrouwe Sarolt, die hem de heidense noame Vajk (held) gaavn.

In 985 liet ie hem tegoare me zyn voader doopn deur den hillign Adalbert van Praag. Zyn dopnoame was Stefanus, lik de vroeg-christelikkn hillign, Stefanus de marteloare, die leefde in den êeste êeuwe.

Stefan trouwde in 995 me Gisela van Beiern, dochter van hertog Hendrik II van Beiern en zuster van keizer Hendrik II, de latste keizer van de Liudolfiengers van 't Ottoons Huus.

Volgens e legende zound paus Silvester II hem in januoari 1001 e goudn krôone bezet me bijous en een apostolisch kruus, vor an te geevn dat ie hem erkende als christelikke keunienk. De krôone wierd loater achter hem genoemd.

In 1083 wierd Stefan tegoare me zyn zeune Emmerik (Imre) hillig verkloard.

Standbeeld van Stefan I in Budapest
De Stefanskrôone
Wikimedia Commons Mêer ofbeeldiengn die ier by passn ku je vien ip Stephen I of Hungary ip Wikimedia Commons.