Naar inhoud springen

Mangoest'n

Van Wikipedia

De mangoest'n (Herpestidae) zyn e familie van zoogbêest'n uut d' orde van de roofbêest'n (Carnivora). Z' omvat'n 34 sôort'n die verspreid zyn in Afrika, Zuud-Azië en Zuud-Europa.

Mangoest'n zyn klêene roofbêest'n met e slank lyf, korte pôot'n, klêene roende ôorn, e puntige snute en e lange, bustelige, spits uutloopnde steirt. De vacht is mêestal efn grysde of bruun, somtyds gevlekt of gestriept. Z' hèn vuuf of vier têens mè nie-intrekboare klauwers. Vele sôort'n hèn anoalkliern die e straf riëk'nde stoffe produceern.

Mangoest'n eet'n insect'n en hunder larvn, krab'n, worms en klêene gewervelde bêest'n. Prôoin met 'n harte schoale word'n tusschn hunder vôorpôot'n vaste gepakt en teegn 'n hart ippervlak gesmeet'n vo ze te kroak'n. Sommigte sôort'n zyn bekend omdan ze der in sloagn van giftige slangn dôod te doën.

Geslacht'n[bewerkn | brontekst bewerken]

  • Atilax: moerasmangoeste (Atilax paludinosus)
  • Bdeogale: 4 sôort'n
  • Crossarchus: 4 sôort'n
  • Cynictis: vosmangoeste (Cynictis penicillata)
  • Dologale: savannemangoeste van Dybowski (Dologale dybowskii)
  • Galerella: 4 sôort'n
  • Helogale: 2 sôort'n
  • Herpestes: 10 sôort'n
  • Ichneumia: witsteirtmangoeste (Ichneumia albicauda)
  • Liberiictis: Liberische mongoeste (Liberiictis kuhni)
  • Mungos: 2 sôort'n
  • Paracynictis: mangoeste van Selous (Paracynictis selousi)
  • Rhynchogale: mangoeste van Meller (Rhynchogale melleri)
  • Suricata: stoksteirtje (Suricata suricatta)
Wikimedia Commons