Margaretha van Male

Van Wikipedia
Naar navigatie springen Naar zoeken springen
Margaretha van Male
1350-1405
Lille Margueritte de Flandre.JPG
Blason Comte-de-Flandre.svg
Gravinne van Vloandern,
Blason province fr Artois.svg
Blason comte fr Nevers.svg
Artois en Franche-Comté
Periode1384-1405
VôorgangerLodewyk van Male
IpvolgerJan zounder Vrees
Blason comte fr Nevers.svg
Gravinne van Nevers
Periode1384-1405
VôorgangerLodewyk van Male
IpvolgerPhilippe II van Nevers
Blason Rethel.png
Gravinne van Rethel
Periode1384-1402
VôorgangerLodewyk van Male
IpvolgerAnton van Bourgondië
Blason Ducs Bourgogne (ancien).svg
Blason fr Bourgogne.svg
Hertoginne van Bourgondië
Periode1357-1361
(mè Philippe van Rouvres)
1369-1404
(mè Filips de Stoutn)
VôorgangerOdo IV van Bourgondië
Lodewyk van Male
IpvolgerJan zounder Vrees
VoaderLodewyk van Male
MoederMargaretha van Broabant

Margaretha van Male (Male (by Brugge), 13 april 1350 - Atrecht, 16 of 21 moarte 1405), was gravinne van Vloandern, Artois, Franche-Comté, Nevers en Rethel, en twi kis hertoginne van Bourgondië. Met heur êeste vint, Philippe van Rouvres, van 1357 tout 1361 en met heur twidde vint, Filips de Stoutn, van 1369 tout 1404.

Deur heur huwelik mè Filips de Stoutn kwam ze de stammoeder van d'hertogelikke Valois-dynastie van Bourgondië.

Gravinne Margaretha met heur vint Filips de Stoutn (Flandria illustrata, 1641)

Heur leevn[bewerkn | brontekst bewerken]

Margaretha van Male was d'êenigste dochter en erfgenoame van Lodewyk van Male. Heur moeder, Margaretha van Broabant, was de twidde dochter van Jan III, hertog van Broabant, Lothier en Limburg.

In 1357, an heur zeevn joar, wierd ze uutg'huwelikt an Philippe van Rouvres, die ton elf joar oud was. Je was hertog van Bourgondië en groaf van Artois en Franche-Comté, mo je stierf ip 21 november 1361 zounder jounges.

Keunienk Jean II van Vrankryk, e klêenzeune van Robert II van Bourgondië erfde 't hertogdom Bourgondië en gaf 't twi joar loater deure an z'n joungste zeune Filips de Stoutn. In 1369 trouwde Margaretha met hem en krêeg z'heur vroeger hertogdom were.

Os heur voader stierf in 1384 erfdn zy en heur vint de groafschappn Vloandern, Nevers, Rethel, Artois en Franche-Comté.

D'erfregelienge an heur moeders kant[bewerkn | brontekst bewerken]

Heur moeders voader Jan III van Broabant, stierf in 1355. Zyn oudste dochter Joanna van Broabant (de tante van Margaretha van Male) erfde zyn hertogdommn, omda zyn twi zeuns al dôod woarn. Mo die erfregelienge wierd betwist deur Lodewyk van Male en Reinoud III van Gelre, de schonbroers van Joanna. Die familieruuzje leidde tout de Broabantsche Succesjeoorloge.

In 1383 stierf Joanna heur vint, Wenceslaus I van Luxemburg, e zeune van Jan de Blendn. Achter zyn dôod begost Joanna, die gin jounges haad, mêer en mêer partye te kiezn vor heur nichtje Margaretha, die in 1390 erkend wierd als erfgenoame. Heur twidde zeune Anton wierd in 1404 anveird als ruwoard. Achter Joanna 's dôod in 1406 erfde Anton 't hertogdom Broabant, Lothier en Limburg.

Under jounges[bewerkn | brontekst bewerken]

Z'haan acht jounges:

Jan zounder Vrees, volgde Margaretha ip in 1405 als hertog van Bourgondië en groaf van Vloandern, Artois en Franche-Comté.

Anton erfde in 1402 Rethel en in 1406 Broabant, Lothier, en Limburg.

Philippe krêeg Nevers.

Filips de Stoutn stierf in 1404, en Margaretha van Male 't joar d'r ip.

Wikimedia Commons