Margaretha van Oostnryk (1480-1530)

Van Wikipedia
Margaretha van Oostnryk
14801530
Margaretha van Oostnryk met eur witte weeuwekappe
Landvoogdesse van de Nederlandn
Periode1507 – 1530
Vôorganger-
IpvolgerMaria van Ongareye
VoaderMaximiliaan van Oostnryk
MoederMaria van Bourgondië

Margaretha van Oostnryk (Brussel, 10 januoari 1480 - Mecheln, 1 december 1530) was ertoginne van Savoye, landvoogdesse van de Nederlandn, en d'enigste dochter van keizer Maximiliaan I en Maria van Bourgondië.

Eur jounk leevn in Frankryk[bewerkn | brontekst bewerken]

Achter den dood van eur moeder in 1482 zound eur voader eur no Lodewyk XI van Frankryk. Da was ’n deel van d’ofsproake by de Vrede van Atrecht. Je verloofdeg' eur an eur twi joar mè de ton dertienjoarign Franschn dauphin (kroonprins), loater Karel VIII van Frankryk. In 1483 stierf Lodewyk, mo Margaretha bleef in Frankryk. Omda Karel VIII ton nog minderjoarig was wierd d'oudste dochter van Lodewyk, Anna van Frankryk (bygenoamd van Beaujeu) zyn voogd.

Den achttienstn december 1490 trouwde Maximiliaan mè d’ertoginne, Anna van Bretagne. ’t Was e trouw mè vulmacht, da was zounder dan ze persoonlik anwezig woarn. (in ’t Latyn: per procurationem). Mo Karel VIII en z’n zuster wildegn eur erfenisse, en in 1491, o Karel meerderjoarig was, vielt ’n Bretagne binnen, je liet z’n verlovienge mè Margaretha en Maximiliaans trouw oungeldig verkloarn en je trouwde zelve met Anna van Bretagne.

Twi kêers weeuwe[bewerkn | brontekst bewerken]

In 1493 goavn ze Margaretha were an eur voader Maximiliaan. In 1497 trouwde ze met de prins van Asturië Johan van Kastilië, de troonipvolger van Spanje en zeune van Isabella I van Kastilië en Ferdinand II van Aragon. Mo vuuf moandn loater stierft ’n an tuberculose. Ze was in verwachtienge van em, mo ’t kind is dood geboorn.

Den achtntwintigstn november 1501 trouwde ze met den ertog Filibert II van Savoye, mo drie joar loater stierft ‘n deur yskoud woater te drinkn achter de jacht, en was Margaretha were weeuwe. Ze besliste ton van vo de reste van eur doagn de witte weeuwekappe te droagn. Ze liet e prachtig mausoleum moakn ter erinnerienge an eur vint.

Landvoogdesse[bewerkn | brontekst bewerken]

Ze keerde were no de Nederlandn, woa da keizer Maximiliaan, die regent was achter den dood van Filips den Schoonn, eur den achttienstn moarte 1507 anstelde ols landvoogdesse van de Nederlandn. Margaretha regeerdeg' in ‘t hof van Savoye in Mecheln, van ton d’oofdstad van de Nederlandn.

In 1515, o Karel meerderjoarig verkloard was, trok z’eur were, mor in 1516, achter den dood van z’n schôonvoader Ferdinand II van Aragón, vertrok Karel no Spanje vor em ip te volgn, en z’n tante Margaretha wierd vo de twidde kêe belast mè de regerienge over de Nederlandn.

Margaretha stierf in 1530 en z’is begroavn in Bourg-en-Bresse, Franche Comté, in ’t mausoleum da ze liet moakn vor eur twidde vint, Filibert. Karel V benoemde z’n zuster Maria van Ongareye ols eur ipvolgster.

Gisant van Margaretha van Oostnryk in de Ouze-Lieve-Vrouwekathedroale van Bourg-en-Bresse. De kerke et gebouwd gewist in updracht van Margaratha zelve.