Gisant

Nen gisant es en beeldhouwwerk woar da 'n dooin liggend es ofgebeeld.

Gisants zyn en onderdeel van grafmonumentn. Ze zyn surtout upgekommn in de gotische periode moa doavoorn bestoundn z'ook ol. 't Word komt uut et Fransche gésir wuk da wil zeggn: plat liggn, olfdood liggn, begroavn liggn.

Bekende voorbeeldn in West-Vloandern zyn de proalgroavn van Maria van Bourgondië en eur voader Karel den Stoutn in de Onze-Lieve-Vrouwekerke van Brugge, olletwee uut et begun van de 16e eeuwe.

Bekende voorbeeldn in Vrankryk:

• graftombe van den Bourgondischn hertog Filips den Stoutn in 't Paleis van d'hertoogn van Bourgondië in Dijon, Vrankryk (round 1400)
• graftombe van de landvoogdesse Margaretha van Oostnryk in d'Ouze-Lieve-Vrouwekathedroale van Bourg-en-Bresse (eestn hèilt 16e eeuwe)
• 't marmbern grafmonument van den hertog Frans II van Bretagne in de kathedroale van Nantes (16e eeuwe)

Verwante termn

• adorant: oe den dooin God an 't anbiddn es ol rechtstoand
• pleurant: treurende rouwfigeure up of teegn en graftombe
• priant: voorstellienge van ne dooin die geknield an 't leezn es

Gallerie

Graftombe van Frans II (up 'n achterground), hertog van Bretagne, en zyn wuuf Marguerite de Foix (van voorn)

Graf van Margaretha van Oostnryk in Bourg-en-Bresse

Proalgraf van Maria van Bourgondië in Brugge

Mêer ofbeeldiengn die ier by passn ku je vien ip Gisant ip Wikimedia Commons.