Maria Ommegank
- Dit artikel es geschreevn in 't Poperiengs, en da zou best ozô bluuvn.
Maria Ommegank is e joarliksche procesje deur Poperienge.
Ôorsproeng
[bewerkn | brontekst bewerken]'t Beguste met e miroakel in 't joar 1479. E dôodebôorn kiendje van Poperienge, da nog ni edopt wos, kwam were toet leven. D'ouders (Jacquemine Bayeart e Rassoen van Hove) addn nog juste enoeg tyd voun 't te doopn. Doarachter goenk 't kiendje were dôod. Troagisch vaneigns, moa 't goed nieuws voe de menschen in de Middelêeuwn wos da ze nu zeker wistn da dat krutje na 'n emel koste goan; zoender dopsel wos dat oenmeugelik. 't Miroakel wos toe-eschreevn an Oeze Vrouwtje van Sint-Jan. Twi joar d'rachter wos 't miroakel erkend deur de Kerke en erdachtn ze 't mit een ommegank die nu nog ossa bestoat.
Inoud
[bewerkn | brontekst bewerken]In 'n Ommegank vertelln ze ni ollêne over 't miroakel zevve. E hêel stik goat over de geschiedenisse van Poperienge: mi nunder successn e teegnsloagn in de loaknindustrie, 'n opgank van 'n ommel, enzovôors. Moa de mêeste groepn beeldn de verêrienge voe Maria, de moeder van Jezus, uut - en in 't bezoender de verêrienge voe Oeze Vrouwtje van Sint-Jan.
'n Ommegank is traditionêel oek 't begun van de kerremesse in Poperienge.
Omloop
[bewerkn | brontekst bewerken]Ze begunn in de Bruggestroate, toen na de Guido Gezellestroate, de Mart, Gastuusstroate, Casselstroate, Kêer van 'n Ommegank, Boescheepstroate, Burgemêester Bertnpling, Vrôonof, Yperstroate en 't endigt in de Valkestroate.
De legende in de legende
[bewerkn | brontekst bewerken]De menschen vertelln dat er ossan een ommegank wos en dat er ossan êen goa zyn. 't Veraal goat da Oeze Vrouwtje, by afwezigied van belangstellienge van de menschen, desnôods ollêne n'ommegank zou doen...