Meester van Flémalle

Van Wikipedia
Naar navigatie springen Naar zoeken springen
Veronica, êen van de drie Flémallepanêeln (Städelsches Museum van Frankfurt)

De Meester van Flémalle, die van ca. 1410-1415 tout 1440 in Doornik werkte, wordt anzien als êen van de vroegste Vlamsche Primitievn en doadeure ist ’n styf belangryk vo de kunsthistorici. J’hè zyn nôodnoame te dankn an de Flémallepanêeln. Die panêeln haan under noame gekreegn achter dat er verkêerdelik gepeisd was dan ze uut et klôoster van Flémalle by Luuk kwoamn. Loater kwoamn ze te weetn dat er gin klôoster in Flémalle gewist is.

De Meester van Flémalle wordt g’identificeerd mè de Doornikse schilder Robert Campin.

In dien tyd wierdn composities van grôte mêesters styf vele gekopieerd, soms deur de mêester zelve, soms deur tydgenôotn of loatere noavolgers. De kunsthistorici zyn nu blye dan ze die kopies hen.

In 't Groeningemuseum van Brugge hangt er e kopie van e verdweenn compositie van de Maria met Kind. 't Oorprounkelik werk is gemakt in 't begun van de 15e êeuwe, en de kopie ip 't ende. 't Kiend hèt e stik fruut in z'n hand, 't symbool van d'overwonn zounde van Adam en Eva. Da symbool wordt vele gebruukt in de kunst van de loate middelêeuwn.

In de joarn 1970 begostn verschillige kunsthistorici te peizn dan de werkn van de Meester van Flémalle (o.a. de Flémallepanêeln en ’t gekend Merode-altoarstik), eigntlik van mêer of êen kunstenoare moen gewist zyn.

‘t Merode-altoarstik (ca. 1425-1435, New York, Metropolitan Museum of Art)