Melchior Broederlam

Detail van 't retabel (linkervleugel) van Jacob de Baerze beschilderd deur Melchior Broederlam, (1394-99), museum van Dijon

Melchior Broederlam was e Vlamsche kunstschilder uut Yper, die actief was tusschn 1381 en 1409. Sedert 13 februoari 1384 wast 'n in dienst by Filips de Stoutn, hertog van Bourgondië.

J' is êest an 't werk gezet vo klêne decoroatie-ipdrachtn, surtout in 't kastêel van Hesdin.

Loater gaf den hertog hem ipdracht voe de buutnpanêeln te beschildern van 't retabel, in 1392 besteld an beeldhouwer Jacob de Baerze uut Dendermonde, voe de kerke van e klôoster by Dijon. 't Schilderwerk omvat vier thema's: Annuncioatie, Maria-Visitoatie (lienkervleugel), en Ipdracht in den Tempel, de Vlucht noar Egypte (rechtervleugel).

Z'n werk is typisch Vlams van inspiroatie, met expressieve kracht en realistische nateurdecors.

Broederlam he me zyn olieverwe e grôotn invloed g'hed ip de schilders van de volgende generoatie lik Robert Campin.

Ofbeeldiengn die ier by passn ku je vien in de categorie Melchior Broederlam van Wikimedia Commons.