Melkbrigade
De Melkbrigade was een campagne met de bedoelienge van de Belgische jeugd mêer melk te doen drienkn.
De Belgische Nationale Zuiveldienst begost in 1959 een campagne vo de jeugd dertoe an te zetten van mêer melk te drienkn. D' organisoasje gaaf zynzelvn een imago van een jeugdbewegienge gelik de schouts, met een hiërarchie, vlaggetjies, speldn, en 't belôonn van "goeie doadn". Gelik de schouts haad de bewegienge ook een (nonsens)leuze :
- mieleke melleke mol
- karwitsel karditsel kardol
die Nounkel Bob dikwils up zyn programs mè grôte ernst uutspraak. Up zyn hoogtepunt telde de bewegienge mêer dan een holf miljoen leedn. Deur middel van een spoarkoarte verzameldn de leedn stempels ot under gezinleedn "twê gloazn melk mêer" drounkn.
D' openboare televisie steunde 't initiatief mè nieuwsbulletings en 't uutzendn van een schoolnquiz woaby dan klassn uut verschillende provinsjes 't teegn maknoar upnoamn.
Een grôot antol bekende Belgn zettn under kostelôos in vô de Melkbrigade. De bekendstn was zounder twyfel Nounkel Bob. Prins Albert en zyn pasgeboorn zeune Filip woarn êrebrigadiers.
De Melkbrigadecampagne wierd in februoari 1971 gestopt omdat 't moar een klêen effect haad up 't verbruuk van melk.