Mont Saint-Michel

Van Wikipedia
Naar navigatie springen Jump to search
Dat artikel es oorsprounkelik geschreevn in 't Kustwestvlams.

Mont Saint-Michel
Internet-web-browser.svg 48° 38' N, 1° 30' W

De Mont Saint-Michel is e rotsachtig eiland geleegn in e grôte boaie an de moendienge van de riviere de Couesnon, in 't departement Manche in Normandië. 't Eiland ligt oengeveer 1 kilometer van de kust by de plekke Avranches. Ip de berg stoat er e middelêeuwsche benedictynsche abdie in gotische styl gewyd an den eirtsiengel Michaël.

't Eiland was vroeger over land bereikboar by lêegwoater, moa by hoogwoater wast er woater roendomroend. Teegnwoordig lopt er e smalle brugge mè pendeldienst noa 't eiland. De Mont Saint-Michel, mè zyn trapstroatn, is allêne toegankelyk vo voetgangers.

De boaie van de Mont Saint-Michel is ca. 500 km² grôot en wordt begrensd deur Bretagne in 't zuudwestn en deur 't Normandisch schiereiland van de Cotentin in 't ôostn.

In 1979 wierd de Mont Saint-Michel en d' omliggnde boaie uutgeroopn toet UNESCO Weirelderfgoed. De Mont Saint-Michel is de derde toeristische site in Vrankryk achter d' Eiffeltorre en 't Kastêel van Versailles, mè joarlyks mêer of 3.500.000 bezoekers.

Wikimedia Commons