Musée maritime fluvial et portuaire de Rouen
| ||||
|---|---|---|---|---|
| ||||
| Land | Vrankryk | |||
| Stad | Rouen | |||
| Verzoamelingn | marine | |||
| Tentôongestelde werkn | mêer dan 2000 | |||
| Oppervlakte | 900 m2 | |||
| Openingsjoar | 1999 | |||
| Bezoekers per joar | circa 10000 | |||
| Adres | Hangar portuaire n°13, Quai Émile Duchemin, 76000 Rouen | |||
| Dichtstbyzynde busalte | Mont-Riboudet (T1, T2, T3, 16) | |||
| Website | http://www.musee-maritime-rouen.asso.fr/ | |||
| Zie ôok: Museum | ||||
't Musée maritime fluvial et portuaire is een museum over de rivierscheepvoart en d'istorie van 'n oavn van Rouen, die êen van de grôtste oavens va Vrankryk is. 't hêeft in 't joar 1999 geopnet, gedurende de "Armada".
't Museum
[bewerkn | brontekst bewerken]De oofdthema's van 't museum zyn:
- De geschiedenisse van 'n oaven met vele fotto's
- De infrastructure van 'n oaven
- De grôte zeilscheepn va Rouen
- De kôopvoardy
- De scheepsbouw
- De scheepn die nikkel vervoerdn tussn Vrankryk en Nieuw-Caledonië
- De geschiedenisse van de U-bôotn
Onder andere zyn een 38 meter lank binnenschip, die "Pompon Rouge" genoemd wordt, binnenschip- en trawlermotors, een nevelbel, een ountspanner en en reconstructie van e radiocabine van e schip van de 1960-joarn tentôongesteld.
Een walvisskelet (uutgelêend deur 't museum d'histoire naturelle de Rouen) wordt in 't middn van 't museum tentôongesteld. 't Is e geweune vinvis, die 7 joar oud was, ot ie anspoelde ip 't strange en stierf.
Ook zyn d'r regelmoatig tydelikke tentôonstellingn over verschillende ounderwerpn, lik byvôorbeeld de transportbrugge va Rouen en de vikiengs.
Fotto's
[bewerkn | brontekst bewerken]-
Olgemêen zicht van 't museum -
't binnenschip Pompon Rouge, omgezet in tentôonstellingruim -
Nevelbel, die overtyd oan de mounding van de Risle lôog -
Reconstructie van e radiocabine van e schip van de 1960-joarn
't Gebouw van 't museum
[bewerkn | brontekst bewerken]
't Museum bevindt zich in e vôormalige lôods van de oaven, niet ver van de nieuwe Gustave Flaubert brug. Deze lôods 13 werd in 't joar 1926 gebouwd en heette "hangar M" tot 't joar 1966.
't gebouw diende als bedryfspand vôor de opslag va wyn van de Schiaffino Compagnie die vrachtvoart op Noord Afrika uitvoerde. 't heeft vele moaln van eigenoar gewisseld tot 1984, wanneer z'n opslagcapaciteit te klein geworden was.