Mussel

Van Wikipedia

E mussel of mossel (Mytilus edulis) is e wêekbêeste (Mollusca) die in de zêe leeft.

Uutzicht[bewerkn | brontekst bewerken]

Mussels en een zocht lyf (wêekbêestn) en een twêedêlige schelpe die ze met krachtige spieren toe kunn klappn. De schoaln zyn an de buutnkant diep dounkerblauw tout zwart en van binn en ze een loage peirelmoer. Soms wordt er in de schelpe een klêen peireltje gevormd. Ot er een zandkorrel in de schelpe terechte komt vormt de mussel doa kalkloagsjes round. Da wordt ton een peireltje da bykan alsan ounregelmoatig van vorm is en nie glanzend, dus nie vele weird. Mussels zittn vaste me byssusdroadn die bestoan uut een kleefstoffe die ofgescheidn wordt deur een specioale kliere. Z'èn een gespierde voet die dounkerbruun is van kleur.

Leevn[bewerkn | brontekst bewerken]

Mussels zittn mêestol an de rotsen vaste of begroavn under in zand of slyk. By ebbe kun je ze zien alachter ip de golfbrekers. Ze leven van plankton dat deur de sifong (een buzetje) noa binn gezogen wordt en were uutgescheidn. Een mussel kan styf vele woater deur z'n lyf pompn. De bevruchtinge gebeurt in 't woater. Uut de eitjes kommen d'r larven die in 't plankton bluven zweevn. Achter 'n ende ountwikkeln de larven een schelptje da noa de bodem zinkt en em vaste zet. Da noemn ze spatval. Mussels kun je algemêen vindn langs de kustn en binnzêeën van 't Noordatlantisch gebied. Ze wordn in Europa gekwikt en g'eetn. Edulis betêkent "eetboar" in 't Latyn.

Uutdrukkingn[bewerkn | brontekst bewerken]

  • Noch mussel noch vis: noch 't êen, noch 't ander
  • 't Is een mussel: een futloos mens, een slappeling

Ofbeeldingn[bewerkn | brontekst bewerken]

Wikimedia Commons Mêer ofbeeldiengn die ier by passn ku je vien ip Mytilus edulis ip Wikimedia Commons.