Nôordwestlikke Gebiedn

Van Wikipedia
Ga naar: Begunplekkn, zoeken
Dat artikel es oorsprounkelik geschreevn in 't Noordelik West-Vlams.

Liggienge van de Nôordwestlikke Gebiedn.

De Nôordwestlikke Gebiedn (Iengels : Northwest Territories) is e Gebied (Iengels : Territory) van Kanada. Mêt e bevolkienge 41 462 in 2011 en e geschat bevolkingsantal van 43 537 in 2013, zyn de Nôordwestlikke Gebiedn 't mêest bevolkt Gebied in nôordlik Kanada [1][2]. Yellowknife wierd d' oofplatse van 't Gebied in 1967, lik gevôg van anbeveeliengn deur de Carrothers Commission.

De Nôordwestlikke Gebiedn, e dêel van 't oede North-West Territory, kwoamn de 15-stn juli 1870 in de Kanadeesche Stoatn-Boend, mo de teegnwôordige grenzn wierdn vastegeleid den 1stn april 1999, o 't gebied ipgedêeld wierd vo Nunavut te moakn in 't ôostn, deur de Nunavut Act en de Nunavut Land Claims Agreement Act [3]. Nunavut bestoa grôotndêels uut arktiesche toendra, mo de Nôordwestlikke Gebiedn ên e kliemoat dat e klêen bitje warmdr is en doarom zyndr doa mêesta boreoale busschn of tajga, aloewêl da dêeln van 't Gebied te nôordn van de boomgrenze liggn, en da zyn mêest nôordlikke streekn ôorn by de Kanadeesche Arktiesche Eilandngroep.

De Nôordwestlikke Gebiedn zyn begrensd deur de twêe andre Kanadeesche Gebiedn, Nunavut in 't ôostn en Joekon in 't westn, en deur de provinsjes Britsch Koluumbja, Alberta, en Saskatjewan in 't zuudn.

Verwyziengn[bewerkn | brontekst bewerken]

<references>

  1. (en) Population and dwelling counts, for Canada, provinces and territories, 2011 and 2006 censuses, Statcan.gc.ca.
  2. (en) Canada's total population estimates, 2013, Statcan.gc.ca.
  3. (en) Justice Canada 1993 : Nunavut Act, Department of Justice (Canada).