Neptunus (mythologie)

Van Wikipedia
Naar navigatie springen Naar zoeken springen
Dat artikel es geschreevn in 't Kustwestvlams.

Neptunus in e mozaïek (archeologisch museum in Palermo)

Neptunus is e god uyt de Romeinsche mythologie, de god van 't stroomnd woater en de zeie. J' is den teegnhanger van de Grieksche god Poseidon. Volgns de Grieksche interpretoasje is Neptunus de zeune van Saturnus en Ops en de broere van Jupiter en Pluto. Salacia is zyn vrouwe.

Voorstellyngn van Neptunus in Romeinsche mozaïekn, surtout uyt Noord-Afrika, zyn beïnvloëd gewist deur Hellenistische convensjes. Juste lyk Poseidon wierd Neptunus ook anbeedn lyk god van de peirdn oender de noame Neptunus Equester, de beschermhèilign van de peirdekoers.

Neptunus regeert over al de woaters en de zeien en je berydt de golvn ip witte peirdn. Je weunt in e keunynkryk in de dieptn van de zeie. Mè zyn krachtign drietand activeert 'n de golvn en lat 'n fonteinn en bronn stroomn.

De peirdn van Neptunus