Nico Mattan
 | |
|---|---|
| Persoonlikke informoatie | |
| Noame | Nico Mattan |
| Bynoame | Keun, Cuore matto, Monsieur P. |
| Gebortedoatum | 17 juli 1971 |
| Geborteplekke | Yzegem, Belgie |
| Lengte | 181 cm |
| Specialisoatie | tydryder; nôordelikke klassiekers |
| Ploegen | |
| Ploeg van nu | koerst ni mi |
| Ploegen van toun | |
| 2007 2005-2006 | DFL-Cyclingnews-Litespeed Davitamon-Lotto |
Nico Mattan (17 juli 1971, Yzegem) es ne vôormoaligen West-Vlamschn coureur. Zyn specialiteit wos êendagskoersn, moar ie koste ôok goed tydryen. Ie weunt in Wienkel, dêelgemêente van Legem.
Mattan wos prof sedert 1994. Ie es gestopt ip 7 oktober 2007, met de Franco-Belge, in de 3de etappe die endigde in Poperienge.
Mattan wos in 't begun knecht van ze moat Frank Vandenbroucke. In 1999 moest ie stoppn mè koersn omda zyn erte roar dei. Moar achter ne moand, en onderzoekn in Amerika, kost 'n toch vodder koersn.
Mattan wos gekend vo ze bygeloof. Zyn geluksnummer wos 17, zyn gebôortedag. Matan gelooft dat 't gin toeval wos dat 'n Gent-Wevelgem gewonn et op 'n zesn van 'n vierdn moand van 2005 (telt die cyffers t'ope en je komt an 17). E speelde ôok geirn de rolle van kluchtigoard in 't pelotong en 't was ôok geweetn dat ie ne levensgenieter wos, die geirn ne ki gink goan eten.
In een interview met de Krant van West-Vlaanderen (9 moarte 2007) gaf Mattan, en passant, toe dat 'n ôok EPO genoomn eit in zyn carrière. Die zelfsn dag nog zwakt ie zyn verkloariengn of. E beweirt nu dat 'n cortisone gepakt et, omdat ie "last ad va zyn sinuusn".
In 2009 kwam Mattan ploegleider by Cinelli-OPD, woa da Frank Vandenbroucke zyn latste koersen by rêed.
Bynoamn
[bewerkn | brontekst bewerken]- Monsieur P.: omdat 'n in 2001 e hêle reke koersn woun woarin dat er e P zat: Parijs-Nice, De Panne, Poitiers, Plouay, Piemonte.
- Cuore Matto: omdat 'n probleemn adde mi zyn erte.
- Keun
Palmares
[bewerkn | brontekst bewerken]- 2001: Driedoagse van De Panne
- 2001: GP Ouest France-Plouay
- 2001: proloog Parijs-Nice
- 2003: proloog Parijs-Nice
- 2005: Gent-Wevelgem