Nicolas Lafabrique

Dat artikel es geschreevn in 't Kustwestvlams.

---

Zelfportret mè medaille van Leopold I van Ôostnryk

Nicolas Lafabrique (Noamn (Namur), 7 november 1649 - Luuk, 1733) was e Woalsche kunstschilder. Je krêeg zyn ipleidienge, ost 'n nog styf joenk was, in den atelier van de schilder Bouge in zyn geboortestad. Je trok loater noar Italië en je blêef lange tyd in Rome. Je reisde deur Europa en zyn schilderien wierdn ipgenoomn in de beroemdste collecties. Zyn werkn Kop van lachende filosoof (Tête de philosophe rieur) en Figeure mè beker (l'Homme à la coupe) wierdn gepreezn deur de keunienk van Frankryk Louis XIV. Je kêerde were in 't begun van de 18e êeuwe en je vestigde hem in Luuk woa dat 'n ook gestorvn is.

Andere werkn

• Moeder van Smartn (Mère des douleurs), Museum van Woalsche Kunst (Musée de l'Art Wallon)
• Bacchus, Museum vo Schône Kunstn van Luuk (Musée des Beaux-Arts de Liège, BAL)
• De smôorder (Le fumeur), Museum van 't Woals leevn (Musée de la Vie Wallonne)
• Zelfportret, Museum Groesbeeck de Croix in Noamn (Musée de Groesbeeck de Croix, Namur)