Oeneevnhoevign

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

D' oeneevnhoevign (Perissodactyla) vormn 'n orde van hoefbeestn. De noame komt van 't oeneevn antal teens dan z' hèn per poot. De middelste teen is toet hoef oentwikkeld. De teens an de zykant zyn rudimentair anwezig.

Der bestoan nog oengeveer 16 soortn Perissodactyla verdeeld over drie families: Equidae (peirdn, ezels en zebra's), Rhinocerotidae (neushoorns) en Tapiridae (tapirs).

D'n dag van vandoage leevn der nog wilde oeneevnhoevign in de busschn en grasvlaktes van Afrika, Centroal- & Zuyd-Azië en Midn- & Zuyd-Amerika.

Peirdachtign leevn t'hope in groepn in oopn gebied, lyk graslandn, steppe of halfwoestyne. Neushoorns leevn meestal allene in droge savannes, en in Azië in natte moeras- of busgebiedn. Tapirs zyn solitair en leevn surtout in tropische reegnbusschn. Oeneevnhoevigen eetn allene moa plantn, lyk grasn, bloarn en andere plantedeeln.

Families[bewerkn | brontekst bewerken]

  • Equidae (Peirdachtign)
  • Rhinocerotidae (Neushoorns)
    • Ceratotherium (1 soorte: Ceratotherium simum, Witte neushoorn)
    • Dicerorhinus (1 soorte: Dicerorhinus sumatrensis, Sumatroansche neushoorn)
    • Diceros (1 soorte: Diceros bicornis, Zwarte neushoorn)
    • Rhinoceros (2 soortn)
  • Tapiridae (Tapirs)
    • Tapirus (4 soortn)