Orgoanstelsel
In de biologie is een orgoanstelsel of orgoansystèim e groep van orgoann die tegoare werkn vor e bepoald doel te bereikn. Over ’t algemêen wordn de stelsels in under gehêel bestudeerd of ounderzocht.
Orgoanstelsels by de mens mor ook by vele bêestn zyn:
- Oasemstelsel of respiratoir stelsel: ipnoame van zeurstoffe, ofgifte van koolzeur (luchtpupe, bronchi, loungn…)
- Verteiriengsstelsel of digestif stelsel: ipnoame en verteirienge van voedienge (speekselkliern, slokderme, moage, lever, alvlêeskliere, derms…)
- Herte- en voatstelsel of cardiovasculair stelsel: vervoer van zeurstoffe, verteiriengsproductn, koolzeur, ofbroakproductn (herte, slagoaders, oaders…)
- Lymfestelsel: ofvoer van schoadelikke stoffn en ziekteverwekkers uut 't lichoam, belangryke rolle by 't immuunsystèim (lymfevocht, lymfevoatn, lymfekliern...)
- Uutscheidiengsstelsel of urinair stelsel: ofvoern van ofbroakproductn en andere schoadelikke stoffn (niern, urineleiders, bloaze…)
- Velstelsel of integumentair stelsel: beschermienge van ’t lichoam (vel, zwêetkliern, hoar, noagels…)
- Skeletstelsel: stevigheid (bêenders, ligamentn, peezn…)
- Spierstelsel: bewegienge deur verschillige spiern
- Hormoonstelsel of endocrinestelsel: regelienge van verschillige functies in 't lichoam (schildkliere, byniern…)
- Zenuwstelsel: verzoameln, overmoakn en verwerkn van informoatie (hersens, ruggemerg, zenuwn…)
- Zintuugstelsel: contact met de buutnweireld
- Vôortplantiengsstelsel: vôortplantienge (zoadkliern, zoadleiders, eierstokkn, boarmoeder…)