Parochieblad

Van Wikipedia
Naar navigatie springen Naar zoeken springen
Dat artikel es geschreevn in 't Brugs.

Logo van't parochieblad

Kerk en Leven, of 't parochieblad, is e wekeliks katholiek gazetjie dat word uutgegev'n dur de Vlamsche kerkegemeênschap by drukkerye Hoalewyn.

Med een iplage van meêr dan een olf miljoen exemploarn (511.565 in 2002) was "Kerk en Leven" lange tyd 't blad met'de de meêst geregistrerde lezers in Vloandern, meêr dan 1,1 miljoen roend 2002-2003. Da gieng sterk achteruut, toet 295.614 exemploarn in de periode 2012-2013, 'nen trend by bykans olle Vlamsche weekbloa'n.[1]

Geschiedenisse[bewerkn | brontekst bewerken]

't Bladjie wierd ipgericht in de joarn 1940 dur de Vlamsche dominicoan'n. 't bladjie da'tonne nog nie "Kerk en Leven" noemde mor oender verschillnde noam'n gepublicerd wierd oenderandere Ons Parochieblad en De Stem van het Vaderhuis, kwam in 1959 in hand'n van de Vlamssche bisdomm'n, woarachter dadd'et de noame va Kerkelijk Leven kreeg.
In 1963 wierd Felix Dalle, priêster van't bisdom Brugge en schryver van romangs, hoôfdredacteur. J'opende de kolomm'n van't bladjie voe buutenlandsche reportag'n, oender and're dossiêrs over oentwikkelingshulpe. De nieuwe noame van't bladjie "Kerk en Leven" toogde oak die nieuw'n anpak van da nu weirelds gericht bladjie.
In 1987 wierd Felix Dalle ipgevolgd deur Mark Van de Voorde, den eêsten leêk os hoôfdredacteur. Mark Van de Voorde, die vroeg'r boas was van de perse van't bisdom Brugge en in verschillnde binn'n- en buutnlandsche, doagelikse- en weekeliske bloadn had gepublicerd, versterkte de moatschappelikke lyne van't kerkebladjie en oapende zyn kolomm'n voer debat, commentoar en discussjê. Je brocht oak een mer gepersonaliserde journalistieke anpak in't bladjie. In 2004, kort achter dat'ie 't bladjie heêltegans had "gerestyled", wierd Mark Van de Voorde, die adviseur wierd by de Vlamsche minister-president Yves Leterme, ipgevolgd deur Toon Osaer, tonne nog woôrdvoerder van eirtsbisschop Godfried Danneels.
Begin 2009 oendergieng 't weekbladjie een nieve groendige anpassienge med'een nieuve indeêlienge, nieve rubriek'n en e nieve lay-out. Hoafdredacteur Toon Osaer wierd olverwege 2009 directeur van d'uutgevery van 't weekbladjie (Hoalewyn). Ende novemb'r 2009 wierd Bert Claerhout de nieuv'n hoofdredacteur.

Hoofdredacteuren[bewerkn | brontekst bewerken]

  • E.H. Felix Dalle (1963- 1987)
  • Mark Van de Voorde (1987 - 2004)
  • Toon Osaer (2004-2009)
  • Bert Claerhout (2009 - 2015)
  • Luk Vanmaercke (2015 - nu)

Externe link[bewerkn | brontekst bewerken]

Rifferensjes[bewerkn | brontekst bewerken]

<References>

  1. www.deredactie.be