Passchendoale (Zunnebeke)
Passchendoale (te plekke oek Passendoale, Nederlands: Passendale) is e parochie in Grôot-Zunnebeke. 't Weunn bykans 3000 menschn en 't is achter Zunnebeke zevve de grotste dêelgemêente.
Voe vele Iengelsche is Passchendoale oek synoniem me d'elle, degêne die nie dôod woarn, zein da ze de psychischn dôod an gevoen (They call it 'Passion-dale' ). In 1917 is 't er doar êen van d'ergste veldsloagn uut 'n Êesten Weireldôorlog uutevochtn: de Slag om Passchendoale (oek ekend ounder de noame Derde Slag om Yper) oungeveer en 100 000 soldoatn in 3 moandn zyn doar esneuveld. Voogns d'overleverienge woarn de veldn nie groen of nie bruun, mo rôod van ol 't bloed. Tyne Cot Cemetery is 't er 't bewys van: dat is 't 5de grotste kerkof up 't vaste land voe Iengelsche soldoatn.
'n Iengelschn heavy metalgroep Iron Maiden et er oek 't numer Paschendale van emakt up nundern CD Dance of Death uut 2003.
Bezienswoardigheden
[bewerkn | brontekst bewerken]
Kykt noa Bouwkundig erfgoed in Passchndoale
- Sint-Audomaruskerk
- D'oude koasmoakery
- Tyne Cot Cemetery
- Andre oorlogsmonnementn: Canadian Memorial, New-Zealand Memorial, Australian Memorial, New British Cemetery
Koas
[bewerkn | brontekst bewerken]Passchendoale i surtout ekend van ze koas. Ieder joar is er oek e koasstoet.
|
Ofbeeldiengn die ier by passn ku je vien in de categorie Passendale van Wikimedia Commons. |