Peel

Van Wikipedia
Naar navigatie springen Naar zoeken springen
'n Peel up e koarte van 1845

De Peel is e riviere in Canada die deur de Yukon en North West Territories lopt en doar in de Mackenzie stromt. Z'ountspriengt in de Ogilviebergn in de Yukon an de soamnvloeiienge van de Ogilvie en de Blackstone. Laasn de Peel is er mor een parochietje, Fort McPherson.

Zyriviern[bewerkn | brontekst bewerken]

De grotste zyriviern van de Peel zyn (met lengte die bevoarboar is met e kano en de moelikheid (tusschn klasse I en VI)):

  • Ogilvie (40 km, klasse II toet III, plus 430 up de Peel toet Fort McPherson)
  • Blackstone (135 km, klasse II, plus 430 up de Peel toet Fort McPherson)
  • Hart (250 km, klasse III toet IV, plus 375 km up de Peel toet Fort McPherson)
  • Wind (200 km van McClusky Lake, klasse I toet II, plus 320 km up de Peel toet Fort McPherson)
  • Bonnet Plume (275 km, klasse II toet IV (en 2 klasse V rapids), plus 290 km up de Peel toet Fort McPherson)
  • Snake (300 km, klasse II (en rapids van klasse III of IV no volgens de woaterstand), plus 220 km up de Peel toet Fort McPherson)

Olhoewel dan de ofstandn hier toet Fort McPherson stoan, voarn de meeste menschn mo toet Taco Bar, e plekke woa dan de woatervliegers simpel kunn landn en die e klene 3 km over de Snake ligt.

Voarn[bewerkn | brontekst bewerken]

't Loopn gin boann no de Peel of de zyriviern, olles gebeurt dus met de woatervlieger (float plane, 'n piloot noemn ze doar e bush pilot).

De meeste stikkn van 't stroomgebied van de Peel zyn goed bevoarboar, mor e bitje ervoarienge is goed meienoomn. De Peel zelve is 430 km lank van de soamnvloeiienge van de Ogilvie en de Blackstone, met sommigte moeilikke kloovn en e stik met e portage an Aberdeen Canyon (klasse VI, ounmeuglik voun te bevoarn).

In droge joarn kunn der vele stikkn zyn (surtout up de zyriviern) woar at er nie enoeg woater is voun te voarn.

E basje is verre overol nodig, buutn up de Peel zelve van de Snake vors.

Beestn en plantn[bewerkn | brontekst bewerken]

Hierounder volgt e beperkte lyste van de plantn en beestn round de Peel.

Plantn[bewerkn | brontekst bewerken]

Grote boomn groein der verre nie in 't stroomgebied van de Peel, de soortn dan der zyn:

  • populiern: surtout woa dan der miender bergn zyn, z'en e witte pele (lik en abele, zounder de witte bloarn)
  • berkn: ollene laasn de Peel
  • elzn: kommn meestol nie hoge
  • denn: overol, zeker in de bergn dominante soorte
  • wulgn: pioniers die overol uutschietn, mo meestol struuksjes bluuvn

Beestn[bewerkn | brontekst bewerken]

  • Visschn
  • Vlagzalm: stief vele in de Wind en meern derlaasn
  • Dolly Varden
  • Meerforelle
  • Veugels
  • Zeeoarend (bald eagle)
  • Steenoarend
  • Slechtvoke
  • Mantelmeeuwe
  • Pleviern
  • Harlekingeende
  • Zeeduker (loon)
  • Grote zaagbek (viseende)
  • Zoogdiern
  • Bever
  • Wangzakeekhoorns (least chipmunk)
  • Roo eekhoorns
  • Marmottn
  • Sneeuwhoaze
  • Dall sheep (dunhoornschoap)
  • Kariboe (rendier, e soorte herte)
  • Eland (grotste herte)
  • Wezel
  • Veelvroate (Wolverine)
  • Amerikoansjn das
  • Canadeesjn lynx
  • Vos
  • Coyote of prairiewolf
  • Wolf
  • Zwortn beir
  • Bruunn beir (grizzly bear)